●Mboengqneix, Lungz- swng Gak Cuz Swciyen cujciz bouxgagnyienh dangjyenz bae cungh siuj hagdangz haiguh aen cawjdaez dwg “gvansim hagseng gungzhoj、 buenx cangqheiq majhung” saed- guh hozdung, doenggvaq soengq doxgaiq hagsib、 guhcaemz miz yinx daengj fuengsik cienzndenq gij raeuj ndawbiengz.

(Vangz Yungjfeih)

●6 nyied 1 hauh, Yungzsuij Myauzcuz Swciyen Ngoenzngoenzangq Youwzyenz banh yienjok hozdung, aen cawjdaez dwg “fwngz hung yien fwngz iq·caezguh siengjmuengh Cungguek”. Hozdung seiz, gyoengq lwgnyez biujyienj cezmuz seiz baijyienj le gij cingsaenz yienghsiengq Yungzsuij Myauzcuz lwg- nyez cangqheiq、 dwg- gyaez、 gaenxmaenx dox- hwnj, cungj hozdung neix fungfouq le ngoenzciet saedceij lwgnyez aen yienh neix.

(Cwngh Siengzdwz)

●Bineix fwnraemx lai, fwngeiq seizgan raez gvaq biwnq, Denzyangz Yen Yifung Cin gig yawjnaek hong fuengzceih deihcaet caihaih, guh daengz caeux maeuzveh、 caeux anbaiz， iugouz cin cunh cuj sam gaep ganbu doenggvaq gak cungj fuengsik yungh gak cungj banhfap, yiemzgek baizcaz caeuq haenqrengz gamduk daengx cin gizdieg aiq fatseng deihcaet caihaih haenx.

(Vangz Gozsun)

●6 nyied 2 hauh, Luzcai Yen Cizyez Gyauyuz Cungsim Sugungbanh hag- seng youq lauxsae sonyinx baihlaj haiguh saedlienh. Aen hagdangz neix yawj- naek son hagseng rox lai monz cihsiz, gyagiengz son saedguh doenghfwngz naengzlig, daegbied hawj hagseng roxsug yungh gihcangz guh gak cungj gihgi sezbei lingzgienh gyagoeng.

(Lai Genveih)