Guek raeuz dwg aen guekhung miz 13 ik lai vunz、56 aen minzcuz ndeu, dwg aen guekgya lai minzcuz doengjit ndeu, youq ndaw lizsij fazcanj gyaeraez de, guhbaenz le gij yijyenz vwnzva baugvat Sawgun caeuq saujsu minzcuz yijyenz gak miz daedsaek、neiyungz fungfouq haenx, minzcuz lai、yijyenz binjcungj lai、vwnzsw lai dwg gij gihbwnj guekcingz guek raeuz, dwg gij dwzcwngh hungnaek Cunghvaz minzcuz vwnzva, caemh dwg gij caiz- fouq dijbauj caeuq diuzsai giengzak doicaenh gak minzcuz doxgiet haenq- guh、gunghdoengz hwnghoengh fazcanj de, gak mizcuz yijyenz vwnzva youq ndaw sevei sizcen doxcaez yingjyangj、doxcaez yungzhab, mboujduenh fung- fouq caeuq fazcanj gij neihanz Cungh- vaz vwnzva, dem’ak le gij rengz- sengmingh caeuq rengzcauhmoq Cunghvaz minzcuz, coihcaenh le gij nyinhdoengzgamj、rengzyiengqsim caeuq rengzgietcomz Cunghvaz minz- cuz raeuz.

Cungguek moq laebbaenz dox- daeuj, dangj caeuq guekgya baengh gij faplwd fazgveih《Yenfaz》《Minzcuz Gihyiz Swcifaz》《Gyauyuzfaz》《Guekgya Doengyungh Yijyenz Vwnzsw Faz》, giethab gij saedsaeh cingzgvang dieg saujsu minzcuz, gingqcungh gij simmuengh ginzcung, ciuqei gij gyauyuz gveihliz song cungj yijyenz, youq saujsu minzcuz digih hengzguh le song cungj vahsaw gyauyuz, cobouh laebbaenz le minz Gun song cungj yijyenz gyauyuz dijhi, baujcang saujsu minzcuz hagseng yiengjsouh gij gienzleih sawjyungh guekgya doengyungh yijyenz vwnzsw caeuq minzcuz yijyenz vwnzsw bonjfaenh ciepsouh gyauyuz, doicaenh gak minzcuz dox baedauq、 dox gyaulouz、dox yungzhab, swnjcienz caeuq hungzyangz le gij conzdungj vwnzva maenhndei gak minzcuz, doiq gensez seveicujyi huzndei sevei fazveih le cozyung hungnaek.

Dangj caeuq guekgya soqlaiz gauhdu yawjnaek caeuq gvensim saujsu minzcuz vwnzva saehnieb. Gaijgwz hailangh doxdaeuj, saujsu minzcuz vwnzva saehnieb ndaejdaengz gij lijsijsing cwngzciu hungnaek, saujsu minzcuz yijyenz vwnzsw ndaejdaengz baujhoh caeuq fazcanj, saujsu minzcuz conzdungj vwnzva maenhndei ndaejdaengz swnjcienz caeuq hungzyangz, saujsu minzcuz vwnzyoz yisuz ngoenz beij ngoenz hwnghoengh, saujsu minzcuz digih vwnzva canjnieb cobouh guhbaenz gveihmoz, vwnzva dijci gaijgwz mboujduenh gyalaeg, caeuq rogguek gyaulouz mboujduenh gyagiengz. Saujsu minzcuz vwnzva saehnieb fazcanj doiq daezsang gij vwnzmingz suciz gak cuz yinzminz, coicaenh minzcuz digih ginghci sevei fazcanj, doidoengh minzcuz doxgiet cinbu saehnieb, fanzyungz seveicujyi senh- cin vwnzva fuengmienh, fazveih le cozyung hungnaek.

2009 nienz 8 nyied, gozvuyen fatbouh 《Gozvuyen Gij Yigen Gvendaengz Caenh’itbouh Fanzyungz Fazcanj Saujsu Minzcuz Vwnzva Saehnieb》, vixok “fanzyungz fazcanj saujsu minzcuz sinhvwnz cuzbanj saehnieb, doiq gij senhconz baudauj hozdung hungnaek nangqdaengz saujsu minzcuz saehnieb、gij cuzbanj hanghmoeg hungnaek nangqdaengz saujsu minzcuz vwnzsw haenx, aeu hawj cungdenj bangfuz. Gyagiengz saujsu minzcuz yijvwnz fanhoiz cuzbanj gunghcoz, cugbouh daezsang gij soqliengh caeuq caetliengh cuzbanjvuz mizgven Sawgun、saw guekrog caeuq saujsu minzcuz vwnzsw songyiengq fanhoiz cuzbanj gunghcoz, doiq gij saujsu minzcuz vwnzva canjbinj hungnaek、gij gunghgung vwnzva hanghmoeg hungnaek caeuq gunghyizsing vwnzva hozdung haenx aeu bangfuz. Cihciz dieg henzguek saujsu minzcuz yijyenz vwnzsw sinhvwnz cuzbanj saehnieb fazcanj, demgya gunghgung vwnzva canjbinj daegbied dwg saujsu minzcuz yijyenz vwnzsw canjbinj mizyauq gunghawj.”

2011 nienz 10 nyied, Cunghgoz Gungcanjdangj Daih Cibcaet Gaiq Cunghyangh Veijyenzvei Daihroek Baez Daengxcungq Veiyi doenggvaq le《Cunghgung Cunghyangh Aen Gietdingh Gvendaengz Doengh Gij Vwndiz Hungnaek Gyalaeg Vwnzva Dijci Gaijgwz, Doidoengh Seveicujyi Vwnzva Daih Fazcanj Daih Fanz- yungz》, vixok “hwnqguh conzdungj vwnzva maenhndei swnjcienz dijhi, gyagiengz sawciuhgeq cingjleix caeuq cuzbanj gunghcoz, demgya conzdungj vwnzva maenhndei gocwngz neiyungz, gohyoz baujhoh gak minzcuz yijyenz vwnzsw. Fanzyungz fazcanj saujsu minzcuz vwnzva saehnieb, hengzguh gij hong baujhoh cungj vwnzva miz saujsu minzcuz daegsaek haenx, gyagiengz fanhoiz、 cauxguh、boqok、 cuzbanj saujsu minzcuz yijyenz vwnzsw dangjbau、 dangjganh、 gvangjbo denyingj densi cezmuz、dozsaw daengj, caezcaemh hungzyangz Cunghvaz conzdungj vwnzva maenh- ndei.” Dangjcunghyangh gozvuyen daj cwngci gauhdu haengjdingh le saujsu minzcuz vwnzva saehnieb fazcanj youq daezsang gij vwnzmingz suciz gak cuz ginzcung，coicaenh minzcuz digih ginghci sevei fazcanj, doidoengh minzcuz doxgiet cinbu saehnieb, hwnghoengh seveicujyi senhcin vwnzva fuengmienh fazveih gij cozyung hungnaek haenx.

Minzcuz cuzbanj gunghcoz dwg gij bouhfaenh youqgaenj cujbaenz minzcuz gunghcoz caeuq minzcuz vwnzva gensez saehnieb haenx, gij minzcuz gunghcoz guek raeuz dwg yiengh hong youqgaenj gvanhaeh gij saehnieb aen dangj caeuq yinzminz fazcanj daihbuenz ndeu, dwg aen bouhfaenh youqgaenj cujbaenz guek- gya vwnzva gensez caeuq sevei fazcanj ndeu, gvanhaeh daengz guekgya doengjit caeuq minzcuz doxgiet, gvanhaeh daengz gozminz suciz daezsang caeuq bouxvunz cienzmienh fazcanj, youq ndaw canloz guekgya miz gij diegvih caeuq cozyung hungnaek. Okbanj minzcuz dozsaw dwg gij bouhfaenh youqgaenj gensez minzcuz vwnzva saehnieb haenx, dwg diuzloh gagdog mizyauq gunghawj saujsu minzcuz vwnzsw vwnzva canjbinj ndeu. Guh bouxbenhciz, youq ndaw hong benhciz minzcuz dozsaw seiz aeu haeujsim geij fuengmienh lajneix：

It、Aeu Dawzmaenh Aen Cuzbanj Fuengyiengq Dazyinx Cingqdeng

Guh bouxbenhciz, raeuz itdingh aeu genhciz dawz cwngci fuengyiengq cingqdeng baij youq vih daih’it, ndwnmaenh cwngci lizcangz, maenh- ndaet genhciz Cunghgoz gung- canjdangj lingjdauj, maenhndaet genhciz dangjsing yenzcwz, maenh- ndaet genhciz Majgwzswhcujyi sinh- vwnzgvanh,geizhauh sienmingz bae genhciz yenzcwz, maenhndaet genhciz aen cuzbanj fuengyiengq dazyinx cingqdeng, giendingh bae senhconz gij lijlun caeuq lohsienq fuengcim cwngcwz aen dangj, giendingh bae senhconz gij gunghcoz baijbouh hungnaek dangjcunghyangh, gien- dingh bae senhconz dangjcunghyangh gij faencek buenqduenh hungnaek gvendaengz hingzseiq haenx, genhgez caeuq dangjcunghyangh baujciz gauhdu doxdoengz, genhciz hwngfat yiengh seveicujyi miz Cungguek daegsaet, genhgez henhoh gij gienzvi dangjcunghyangh.

Doengzseiz, raeuz aeu dawz gij sevei gunghdwz、cizyez daudwz、gyadingz meijdwz、goyinz binjdwz iemq haeuj ndaw minzcuz dozsaw bae, gikfat gyoengqvunz cauxbaenz gij daudwz simmuengh、daudwz cingzganj huzsienh haenx, coicaenh gyoengq- vunz gyaepgouz gij swnghhoz gangj daudwz、gingq daudwz、souj daudwz haenx, haeujlaeg guh gij hozdung senhconz daudwz mozfan, gikleih gyoengqvunz gingq dwz yiengq sienh、raen ndei rox hag, gungganq gij daudwz cwzyin cingqdeng, daezsang gij naengzlig gagrox bae hengzguh, gungganq gij funghsang ndei rox najcouj、gangj cingqheiq、guh gunghawj、coi huzndei haenx, gujli daengx sevei rom sienh baenz dwz, gungganq Cunghvaz minzcuz ciuh dem ciuh gyaepgouz gij daudwz ginggai gyaeundei ceiq sang haenx, hawj gyoengqvunz youq ndawsaw supsou gij yingzyangj seveicujyi haedsim gyaciz- gvanh.

Ngeih、 Hungzyangz Cujsenz- liz, Cienzboq Naengzlienghcingq

Cibroek Gaiq Roek Cung Cienzhoih dangjcunghyangh daezok aen canloz yinvu hungnaek gensez seveicujyi haedsim gyaciz dijhi, giengzdiuh gij cijdauj swhsiengj Majgwzswhcujyi、gij lijsiengj caez- caemh seveicujyi miz Cungguek daegsaek、gij minzcuz cingsaenz aeu aigozcujyi guh haedsim caeuq gij seizdaih cingsaenz aeu gaijgwz cauhmoq guh haedsim、gij yungz- yuzgvanh seveicujyi gapbaenz gij gihbwnj neiyungz seveicujyi haedsim gyaciz dijhi.

Cibbet Daih aen dangj raeuz youh daezok, daiqdaeuz dizcang fouqak、minzcuj、vwnzmingz、huzndei, daiqdaeuz dizcang swyouz、bingz- dwngj、goengcingq、fapceih, daiqdaeuz dizcang gyaezguek、gingqnieb、cwngzsin、doxndei, gaenxmaenx gungganq caeuq hengzguh seveicujyi haedsim gyacizgvanh.

Sinhvwnz cuzbanj dwg diuz mienghloh youqgaenj cienzboq swh- siengj vwnzva, gyamaenh caeuq cangqdaih gij cawjlouz yizlun cuzbanj gaenxmaenx gengangh baenaj haenx, dwg aen yinvu youqgaenj gensez seveicujyi vwnzva. Guh bouxbenhciz, raeuz aeu hungzyangz cujsenzliz, cienzboq naengzlienghcingq, daezsang gij cizlieng caeuq suijbingz cingq- mienh senhconz, guh ndei hingzseiq senhconz、denjhingz senhconz、cawj- daez senhconz, lai dawz gij saehndei vunzsenhcin ciuyinx vunz ganjyenj vunz haenx iemq haeuj ndawsaw minzcuz bae, aeu youq seiz、doh、yauq fuengmienh dawzndei aen fueng- yiengq dazyinx cuzbanj, dazyinx gyoengqvunz lai yawj cawjlouz, mbouj deng cihlouz ceiboiq; dazyinx gyoengqvunz lai yawj mienh ronghsag, mbouj deng diemj laepyaem yingj- yangj; dazyinx gyoengqvunz lai yawj bwnjciz, mbouj deng biujmienh yienhsiengq yingjyangj; gikfat daengx sevei gij ligliengh giengzak doxgiet haenqguh baenaj haenx, vih hwngfat caeuq fazcanj yiengh seveicujyi miz Cungguek daegsaek gunghawj gij cingsaenz doenghlig caeuq yizlun cihciz giengzak.

Ngoenzneix, youq hingzseiq moq baihlaj, raeuz aeu genhciz aen fuengcim doxgiet onjdingh、 saenq- hwnj cingsaenz、cingqmienh senhconz guhcawj haenx, baijok gij sevei cawjlouz ngiengxgyaeuj baenaj haenx,fanjyingj gij sevei bwnjciz ronghsag cinbu haenx, genhciz gunghcoz hopheux cungsim aen dangj、fuzvu daihbuenz, daihlig hungzyangz gij swhsiengj caeuq cingsaenz ndei bae giendingh lijsiengj caezcaemh、giet- comz ligliengh haenqguh baenaj haenx; daihlig hungzyangz gij swh- siengj caeuq cingsaenz ndei bae doidoengh gohyoz fazcanj、coicaenh saehnieb miz Cungguek daegsaek seveicujyi haenx；

(caengz sat)