Bibi daengz cingmingz, 年年清明节，

Doxcingj bae sauqmoh; 相邀去扫墓；

Bae caeq goeng caeq coj, 祭拜祖宗们，

Hoh lwglan fatcaiz. 佑子孙发财。

Caih bouxlaux lwgnyez, 不管老和少，

Gyoengqde cungj dauq ranz; 都回家扫墓；

Saehsaeh miz vunz banh, 个个在扫墓，

Canj nya youh dem namh. 铲草又添土。

Ging gyaeuj mou noh gaeq, 祭拜摆猪鸡，

Gyonj caeq rim naj daiz; 摆满墓前台；

Laeuj noh haeuxnaengj lai, 酒肉糯米香，

Bauq baenz baiz diemj hongz. 鞭炮成排响。

Byawz cojcoeng goeng boh, 祖宗来显灵，

Mbouj rox coh guh caez; 名字记不清；

Sou doxiu dox caeh, 你们相邀来，

Doengzcaez youq neix naengh. 坐台前显灵。

Daengq sou bouxboux ma, 齐邀请大家，

Boux ra boux gvaqdaeuj; 就坐到墓台；

Miz haeuxnaengj noh laeuj, 酒肉糯米香，

Daeuj neix guhdoih gwn. 聚众来就餐。

Dwen hwnj cojcoeng raeuz, 说起祖宗们，

Aeu gingq cij guh deng; 要怀有敬意；

Ceijcienz cungj mbouj bengz, 纸钱没多贵，

Lai coemh geij vengq hawj. 多烧给祖宗。

Noh buenz hung daeuj cuengq, 酒肉摆满桌，

Muengh raen sou daeuj gwn; 盼祖宗齐赴；

Lwglan baihnaj ndwn, 子孙来祭拜，

Muengh mehmbwn lok fuk. 望老天赐福。

Fukheiq soengq roengzdaeuj, 赐福给子孙，

Ciuqgoq raeuz lwglan; 福照满乾坤；

Miz hong youh baenz ranz, 成家又立业，

Mbouj hawj fanz gvaq ciuh. 一生无忧愁。

Youq gyae dauq diegcoj, 再远也回家，

Gwnz bo vunz ndaemrub; 人站满山坡；

Bauqrengh caez gyukhu, 鞭炮声齐鸣，

Duz bit duz gaeq baij. 鸡鸭来祭拜。

Cingj ndaej bouxdauh daeuj, 请道公来家，

Haeuj ranz niemhging vaeh; 慢慢念念经；

Lwglan guh ndaej bae, 子孙有出息，

Caezgya cungj miznaj. 全家都光彩。

Fukfaenh goeng boh soengq, 祖宗来赐福，

Gyoengqsou mbouj yungh fanz; 心中无需烦；

Dou caux baenz gya ranz, 打理好家当，

Lwglan doq miz muengh. 子孙有希望。

Muengh cojcoeng goeng boh, 望祖宗赐福，

Ciuqgoq dou engq ndei; 生活更加好；

Bouxboux miz ceiqheiq, 人人有志气，

Ngoenz beij ngoenz hwngvuengh. 更兴旺发达。

Muengh cojcoeng goeng boh, 望祖宗赐福，

Goqhoh gyoengq lwglan; 保佑咱子孙；

Bouxboux cungj baenz ranz, 人人都成家，

Mbouj hoj fanz cienz ngaenz. 不愁没钱用。

Fukheiq soengq hawj dou, 保子孙平安，

Bouxboux guh hong gaenx; 大家都勤快；

Seng’eiq guh ndaej baenz, 生意都兴隆，

Cienzngaenz yungh mbouj liux. 钱财用不完。

Ciuqhoh gyoengq lwglan, 赐福保儿孙，

Ndaej bingzan gvaq ciuh; 平安过一生；

Yienghyiengh cungj ndei liux, 赐福送到家，

Gaej hawj siuj yiengh lawz. 福盖咱子孙。

Doxgaiq baij rim bae, 祭品摆满台，

Miz nanh geiq ndaej gouq; 佑家中无灾；

Okrog baengh baengzyoux, 出门靠朋友，

Boux bang boux miz rengz. 人多力量大。

Son hawj gyoengq lwglan, 教育子孙们，

Hanz gangj gaej guhdoj; 赌博不能粘；

Guhdoj hawj ranz ndoq, 赌博把败家，

Cienz ngaenz doq mbouj miz. 家中钱财光。

Bauj gyoengq lwg bouxsai, 保佑咱儿孙，

Beij vunz lai rox suenq; 精明又能干；

Okbae lingzleih buenx, 出外去打工，

Suenq ndaej rin baenz gim. 厉害把钱赚。

Ciengx mou hix ndaej maj, 养猪长得快，

Ciengx max cungj ndaej baenz; 养马也成功；

Duz mou miz cien gaen, 猪长一千斤，

Nohmou baen daengx mbanj. 猪肉分万家。

Yienghyiengh dou gouz liux, 齐求福全家，

Cungj mbouj siuj yiengh lawz; 祖宗保大家；

Yienghyiengh gyaez miz yawz, 年末有盈余，

Byawz mbouj angq riu ne? 大家乐开怀。

Bineix bouxboux youq, 今年祭祖宗，

Bi moq youh cingmingz; 明年又清明；

Bouxdauh daeuj niemhging, 道公来念经，

Bauj bibi bingzan. 年年都平安。