5 nyied 31 hauh, Sanhgyangh Dungzcuz Swciyen Minzcuz Saedniemh Hagdangz banh gaiq daih’it ciet yisuz vwnzva minzcuz ndawhag, gyoengq lwgnyez Mbanjdung yungh golaux Dungcuz、 Dungcuz giyoz、 hongfwngz doxdax nem Dungcuz dohyeh daengj minzcuz vwnzva cezmuz lai cungj lai yiengh angqcoux “roek it”. Gaenh geij bi neix daeuj, Sanhgyangh haenqrengz doicaenh minzcuz vwnzva haeuj hagdangz hozdung, aeu Godung、 Siuqdung、 Vehdung nem Dungcuz giyoz daengj “feihyiz” vwnzva yinxhaeuj ndaw dangzgoq, mizyauq fungfouq hagseng daihngeih dangzgoq, doengzseiz, hawj Dungcuz vwnzva maenhndei ndaej daihdaih doxcienz.

(Vuz Lenyinh/吴练勋 Gungh Bujgangh/龚普康)