Mboengqneix, Fungsanh Yen cingq nyaengq maeuzveh bocuengq 《Densi Sinhvwnz Vahcuengh》 densi lanzmoeg, cuengqok aen lanzmoeg neix, beixnuengx Bouxcuengh yaek ndaej yawj densi cezmuz vah minzcuz bonjfaenh, doengzseiz doiq fatyiengz minzcuz vwnzva, coicaenh minzcuz doxgiet, hwngfat ndawbiengz ginghci miz gij yiyi youqgaenj.

Ciuq cam rox, 《Densi Sinhvwnz Vahcuengh》 cuengqok faenbaenz sawqcuengq caeuq cingqsik cuengqok song duenh, lanzmoeg neiyungz iugouz aeu mizyinx、 doxgyau、 comz minz- swngh minzsuz guh itheij, vatcimh minzcuz vwnzva、 fanjwngq yienhsaed saedceij、 fatyiengz minzcuz cingsaenz. Bouxboqyaem yungh Vahcuengh boq, gij sing bouxciepsouh caijfangj aeu yungh Vahcuengh biujdap. Aeu gij sibinz caensaed、 swhyienz、 caenciet caeuq sijfap、 gaisau gak dieg boux dinfwngz ak caeuq boux dajndaem dajciengx ak, cungfaen daejyienh beksingq Mbanjcuengh gaenx guh hong caeuq cingsaenz gaenxmaenx doxhwnj, bauqlwnh saeh ndawbiengz caeuq ndawbiengz caencingz, fatyiengz gyaeundei caeuq swnzsienh, bauqlwnh ndawbiengz yak rwix, hemqheuh naengzlig ndei, fatyiengz ndawbiengz huzndei, coicaenh ndawbiengz ginghci hwngfat, minzcuz doxgiet hoengh- vuengh.

(Dwng Liengzminj/邓良敏)