Cibfanh bya nauh hoengh, 十万大山舞，

Dahraemxhoengz foux loengz; 红水河拉胡；

Vunz daeuj hoh baenz gyoengq, 各民族同乐，

Man ndei soengq bouxhek. 壮锦送客人。

Caemh gwn ngaiz haj saek, 同食五色饭，

Caez gwn laeuj samva; 共饮三花酒；

Hek rogguek daeuj youz, 外国游客来，

Caeuq daihgya bau domq. 一起抛绣球。

Mauhvacuk Vanzgyangh, 环江花竹帽，

Foux ndaej bya raemx angq; 舞得山水笑；

Buhva Lungzswng lengj, 龙胜锦花袍，

Angq foux lumj fwj youz. 列阵连云飘。

Lozcwngz miz haizva, 罗城花鞋好，

Ra raen youx cij ndaej; 有情人得到；

Lajmbwn Bouxcuengh ndei, 壮家人待客，

Laeuj ndei fwen daih hek. 献美酒歌谣。

Naengj ndei ngaiz ndaemnet, 彩色饭蒸好，

Caj hek daeuj roengzdoengh； 等客到侬垌；

Haeuj ranz dwg beixnuengx, 入门是亲人，

Mbouj faen daemq naeuz sang. 不分矮和高。

Vanzgyangh Mbanjsamhab, 环江三合坳，

Laeb ciengj roeg beijsaiq; 有抢鸟比赛；

Sai aemq mbwk bae gaemh, 男背女去抓，

Saedcaih miz yinxdaeuz. 实在是有趣。

Gwnz ndoi sing fwen biu, 歌声坡上飘，

Vujmingz maenh fouzbeij; 武鸣人厉害；

Eu fwen eu ndaej ndei, 山歌唱得好，

Got youx haeuj rungj bae. 情人怀中抱。

Lozcwngz sam nyied sam, 罗城三月初，

Gaem va ciengq gyausim; 捧花唱交友；

Aendomq duh Dasinh, 大新彩绣球，

Bau coh cienz seiqgyaiq. 抛向全世界。

Doxdax dwk lwggyangq, 比赛打陀螺，

Ndeimaez youq Cungzcoj; 精彩在崇左；

Dahmingzgyangh ciengq go, 明江河唱歌，

Huzlungzdwngz daeuj dap. 龙腾湖来和。

Byaraiz foux duzgoep, 花山舞青蛙，

Vad aensaz ciep gva; 划竹排接瓜；

Moulwg hix siusaj, 猪崽也潇洒，

Youq Bahmaj bonghbuet. 奔跑在巴马。

Daujsouhyinez Bahmaj, 巴马长寿岛，

Bouxlaux gig cwxcaih; 寿星乐逍遥；

Hek siengj ndang lai genq, 客想身体好，

Youq gizhaenx diemheiq. 在那儿呼吸。

Byoemgyaeuj raez youh ndaem, 秀发长又黑，

Ngaiz haj saek homfwng; 五色糯米香；

Sau Yauzcuz caj mwngz, 瑶族姑娘捧，

Deq mwngz gej gaen’gyaeuj. 头巾等你放。

Guengjsae sam nyied sam, 广西三月三，

Roeg ciuz va rim ndoi; 鸟鸣花满坡；

Saimbwk comz guhdoih, 男女聚一起，

Doiq go foux baenzngoenz. 歌舞一整天。

Sam nyied sam can maengx, 三月三美餐，

Bya raemx hix funglouz; 山水有风情；

Mbauqsau sing riu naeuz, 帅哥靓妹喊，

Caiq daeuj youz Guengjsae. 再来游广西。