5 nyied 5 daengz 8 hauh, Dwzbauj Yen banh 2016 nienz Cuengh Gun song saw vah lauxsae beizyinbanh, 46 boux lauxsae Cuengh Gun song saw vah daj Duh’anh、 Lungzsangh caeuq Nazgyap daengj yanghcin saedniemh sonhag Cuengh Gun song saw vah caeuq Yen Minzcuz Cunghyoz daeuj haenx camgya beizyin.

Gwnz hoihbeizyin, Dwzbauj Yen Gyauyuz Gunghveij suhgi、 Yen Gyauyuzgiz Dangjcuj fusuhgi、 fugizcangj Lij Cin vih gyoengq yozyenz gangjgej le minzcuz yijyenz cwngcwz caeuq song saw vah hagdangz gyauyuz sonhag guenjleix. Swcigih Gyauyuzdingh yisinj Lingz Hinghningz faenbied gangj son le gij doxbeij Vahcuengh bonjdieg caeuq biucinj Vahcuengh、 Cuengh Gun yijfaz doxbeij、 Cuengh Gun fanhoiz gi’gyauj caeuq “song loih vunqsik” mizyauq sonhag cijdauj daengj gocwngz. Yen Sawcuengh Hagdangz yaucangj Nungz Yimeiz guh le Cuengh Gun song saw vah godiz yenzgiu cijdauj.

(Luz Sanh/陆 杉)