Mboengqneix, Dunghlanz Yen Minzcuzgiz yiengq Swcigih Minzveij gyau gij caizliuh gvendaengz suen- vwnzva yinghyungz Mbanjcuengh bauq swcigih minzcuz doxgiet cinbu gyauyuz gihdi.

Suenvwnzva yinghyungz Mbanj- cuengh dwg gij cungdenj hwnjguh hanghmoeg Swcigih Dangjveij、 Cwngfuj vih geiqniemh Veiz Gozcingh dungzci doekseng 100 hopbi hozdung youq 2012 nienz daengx gih dungjcouz doicaenh, caemhcaiq youq 2013 nienz 10 nyied haiguh Veiz Gozcingh dungzci doekseng 100 hopbi geiqniemh hozdung seiz guhbaenz hainduj yungh. Aen suen neix youq Dunghlanz Yen Sanhsiz Cin Mbanjrungh’ing mbanjranz Veiz Goz- cingh cienghginh haenx, ciemq dieg mienhcik 11.7 gunghgingj, cujyau hwnjguh hanghmoeg miz: Mbanjcuengh cienghginh geiqniemhguenj、 saek- hoengz lijyouz vwnzva gvangjcangz、coih ranzgaeuq Veiz Gozcingh daengj.

Daj hai suen doxdaeuj, ngoenz- naengz cungj mbouj dingz mbouj duenh miz hekyouz daeuj suenvwnzva yinghyungz Mbanjcuengh yawjngonz, henzgyawj beksingq、 gak dieg dangj- yenz ganbu caeuq bouxcoz nyezrauh nyi aen mingzdaeuz ndei neix daeuj daengz gizneix damqcunz saekhoengz lizsij, ra yamqdin senhlez, aen suen neix gaenq baenz gizdieg youqgaenj swnjcienz saekhoengz lizsij、 cienzboq lenzcwng siengjngeix、 guh gyaezguekcujyi gyauyuz caeuq minzcuz doxgiet gyauyuz. 2013 nienz 1 nyied, Swcigih Gijveij、 Swcigih Genhcazdingh ancoh suen- vwnzva yinghyungz Mbanjcuengh baenz Guengjsae lenzcwng gyauyuz gihdi.

(Veiz Swng’yang/韦盛向)