5 nyied 10 daengz 11 hauh, Swcigih Minzveij cujyin Luz Yenbenj daengj 3 boux bae daengz Liujcouh Si diuyenz, doiq hong minzcuz caeuq cunghgyau Liujcouh Si haiguh diuyenz.

Luz Yenbenj dingq le gij bauq- lwnh hong minzcuz caeuq cunghgyau Liujcouh Si mizgven cingzgvang, caemhcaiq caeuq aen si neix Minz- cunghveij ganbu cizgungh guh naengh- damz, dingq gij yigen hong minzcuz cunghgyau.

Liujcouh Si Minzcunghveij Dangj- cuj suhgi、 cujyin Vuz Veilanz bauq- lwnh le Liujcouh Si “cibngeih haj” doxdaeuj hong minzcuz caeuq cungh- gyau, lij bauqlwnh gij lohnaemj guhhong youqgaenj “cibsam haj” geiz- gan caeuq gij hojnanz nem vwndiz yaek hawj swcigih caengzmienh bang gaijgez haenx. “Cibngeih haj” doxdaeuj, Liuj- couh Si ndaetmaenh gaem aen cawj- daez hong minzcuz “doengzcaez doxgiet haenqguh, doengzcaez hoenghvuengh hwngfat” neix, caenh’itbouh lozsiz minzcuz cunghgyau cwngcwz nem faplwd fapgvi dangj caeuq guekgya, gaenxmaenx baenaj, haenqrengz doi- doengh hong minzcuz cunghgyau laebdaeb cangqheiq hwngfat. “Cibsam haj” geizgan, Liujcouh Si yaek laeb- daeb gyahung ligdoh, doicaenh hong minzcuz cunghgyau daengx si hwng- fat.

Luz Yenbenj haengjdingh gij cingzcik hong minzcuz cunghgyau Liujcouh Si aeundaej haenx. De maqmuengh Liujcouh it dwg aeu laebdaeb guh ndei cungjgez, aeu laebdin hong minzcuz cunghgyau daengx si guh haeujlaeg cungjgez, genj ok gingniemh caeuq guhfap ndei, dawz daeuj senhconz caeuq doigvangq, youh aeu gaijcaenh mboujcuk, haivat cauxmoq, mboujduenh doicaenh hong minzcuz cunghgyau Liujcouh Si hwnj mbaek lae moq. Ngeih dwg guh ndei dingh’ok “cibsam haj” gveihva, aeu giethab Minzcunghveij bonjndang saedsaeh, dingh’ok gij gveihva、 daj- suenq netsaed hengz ndaej, doidoengh hong minzcuz cunghgyau daengx si laebdaeb cangqheiq hwngfat. Sam dwg gungganq diemjrongh, caux binjbaiz, vih doidoengh Liujcouh gak hangh saehnieb hwngfat guh’ok gungyen.

(Yenz Cunzsinh/颜纯欣)