Mboengqneix, Guekgya Minzveij、 Gyauyuzbu Duzcazcuj gungh 3 boux bae daengz Baksaek Si Dwzbauj Yen doiq gyavaiq hwngfat hong minzcuz gyauyuz guh dukcaz.

Duzcazcuj gonqlaeng haeujlaeg daengz aen yienh neix Duh’anh Yangh Cungsim Siujyoz、 Yen Daihngeih Youwzyenz caeuq Yen Daegbied Gyauyuz Hagdangz daengj danhvei, dingq le gij bauqlwnh gvendaengz hagdangz haiguh hong minzcuz gyauyuz cingzgvang, roxyiuj aen yienh neix Cuengh Gun song saw vah gyauyuz、 minzcuz doxgiet gyauyuz caeuq minzcuz vwnzva swnjcienz daengj fuengmienh hong hwngfat cingzgvang. Duzcazcuj haenhndei gij cingzcik Dwzbauj Yen youq seiz gyavaiq hwngfat hong minzcuz gyauyuz aeundaej haenx. Iugouz aen yienh neix gak gaep dangjveij cwngfuj laebdaeb haeujlaeg gvancez lozsiz 《Gij Gietdingh Goz- vuyen Mizgven Gyavaiq Hwngfat Minzcuz Gyauyuz》 caeuq gij cingsaenz Aen Hoih Daihroek Baez Hong Minzcuz Gyauyuz Daengx Guek, yiemzgek hengzguh dangjcunghyangh、 gozvuyen mizgven minzcuz gyauyuz gak hangh fuengcim cwngcwz, vaiqdi guhbaenz saujsu minzcuz gyauyuz dijhi hab bonjdieg saedsaeh、 gig miz bonjdieg daegsaek haenx, vih coicaenh ginghci ndawbiengz hwngfat、 henhoh ndaw- biengz ancienz onjdingh、 coicaenh minzcuz doxgiet guh ok gungyen hungloet.

(Nungz Yungjfang/农永放)