Geij bi gonq, gou youq yihyen guh bouxgagnyienh, seizhaenx roxnaj boux lwgmbwk ndeu. De bingh ndaej gig naek, caemhcaiq bingh de noix raen dangqmaz, gij gihvei dog gouq de couhdwg hawj daegnuengx de caeucoq lwed hawj de. Aenvih daegnuengx de ndaej bingh neix gvaq, hoeng doeklaeng gig geizheih dwk lix roengzdaeuj, seizneix ndaw ndang daegnuengx de miz gij gangdij ndaej doxdingj gij binghdoeg aen bingh neix.

Canghyw naeuz aen cingzgvang neix hawj boux daeglwg neix, cam de nyienh mbouj nyienh caeucoq lwed hawj beix de. Gou raen de cijdwg lawq yaep he, couh dap naeuz:“Danghnaeuz ndaej gouq beix gou, gou haengj!”

Cingq caeucoq lwed seiz, de laegcaem dwk ninz youq henz ndang beix de, raen beix de gemj fukdauq hoengzmaeq, de riu lo.

Hoeng, de sawqmwh mbouj riu lo, saeknaj bieghau dwk yawj canghyw, sing saenzdedded dwk cam: “Gou rox doq dai bae lwi?”

Yenzlaiz de lij iq, gejloeng gij eiqsei canghyw, nyinhnaeuz yaek caeucoq lwed daengx ndang hawj beix de, yungh mingh swhgeij bae gouq mingh beix de. Lwgnyez miz saek seiz gij yawjfap yawj vwndiz gig hozoiq, hingzveiz gyoengqde guh ok dou hix mbouj lijgaij, hoeng gij gietdingh neix ciengzseiz dwg gyoengqde youq ndawsim naemjngeix cien bak baez cij guh ok. Hix cingqngamj aenvih baenzneix hozoiq, cij yienjok dijbauj gij gietdingh gyoengqde guh ok.

Boux daeglwg neix hawj gou hagrox maz dwg gyaez, maz dwg miz mbei.