Mboengqneix, Lungzswng Gak Cuz Swciyen yencangj Vuz Yungjhoz daiq- doih, daiqbiuj Guengjsae Lungzciz nazmbaeklae nungzyez hidungj bae daengz Baekging camgya aen hoih bauq naeuz “cienz seiqgyaiq vwnzva nungzyez youqgaenj yizcanj” youz nungzyezbu banh haenx.

Gwnz hoih, aen yienh neix yencangj Vuz Yungjhoz daj lizsij、 swnghdai、 yinzvwnz、 minzsuz daengj fuengmienh doiq Lungzciz nazmbaeklae guh le cienzmienh gaisau, yiengq lauxhangz、 daiqbiuj camgya hai hoih haenx baijyienj le gij lizsij gyaenanz Lungzciz nazmbaeklae nungzyez hidungj、 swhyenz swnghdai vanzging ndei caeuq minzcuz vwnzva daegsaek naekna.

Gij gezgoj baez bauq naeuz neix dwg gij cujyau gaengawq yaek genj ndei yiengq Lenzhozgoz Liengznungz Cujciz bauq “cienz seiqgyaiq vwnzva nungzyez youqgaenj yizcanj”. Ciuq cam rox, cienz seiqgyaiq vwnzva nungzyez youqgaenj yizcanj dwg Lenzhozgoz Liengznungz Cujciz youq laj Ngaenz- goek Vanzging Cienz Seiqgyaiq haeujcoengh, lienzhab mizgven gozci cujciz caeuq guekgya, dwg aen daihhingz hanghmoeg ndeu youq bi 2002 fathwnj, muzdiz dwg cauxlaeb cienz seiqgyaiq vwnzva nungzyez youqgaenj yizcanj nem gij gingjgvanh mizgven haenx、 swnghvuz dohyang- sing、 cihsiz caeuq vwnzva baujhoh dijhi, caemhcaiq youq cienz seiqgyaiq gvaengxlaengx ndaej daengz nyinhhawj caeuq baujhoh, hawj de baenz gij giekdaej ndaej laebdaeb guenjleix.

(Liengz Gizbinh/梁吉斌)