□bonjbauq gicej Liengz Haijsingh Cau Dwzfeih

Vujmingz Yen Lozhih Cin Gauhyiz Minzcuz Doxgiet Siujyoz youq bi 1931 laebbaenz, mingzgaeuq dwg “GauhLi Yizcunh Gozminz Giekdaej Hagdangz”. Cungguek moq laebbaenz le gaij baenz “Gauhyiz Siujyoz”; bi 1981 haiguh Cuengh Gun song saw vah sonhag saedniemh, dwg daengx yienh seiq aen Cuengh Gun song saw vah sonhag saedniemh hagdangz ndawde aen ndeu. Bi 2003 gaij mingz baenz “Gauhyiz Minzcuz Doxgiet Siujyoz”. Hagdangz seizneix miz lauxsae 9 boux, ndawde siujyoz gaugaep lauxsae 3 boux, it gaep lauxsae 5 boux, ngeih gaep lauxsae boux ndeu. Miz 6 aen ban, hagseng miz 78 boux, haeujhag cingzsoq bingzyaenz daengz 100%. Ndaej daengz gaep baihgwnz bumwnz gvansim caeuq haeujcoengh, hag- dangz sonhag sezbei mboujduenh ndaej dembouj caeuq vuenhmoq, seizneix miz dennauj、 densi、 DVD daengj sezbei nem bak lai mbaw ginghdenj gvanghdez. Lauxsae boux- boux rox yungh dennauj, baengh den’gyau swhyenz sonhag, mbouj- duenh ndaej ciepsouh gij saenqsik sonhag moq, gij sonhag、 gyauyuz gohyenz suijbingz hagdangz ndaej caenh’itbouh daezsang.

Dingh banhhag leixniemh, bang dwkroengz giekdaej. Aen hagdangz neix aeu “aeu vunz guh goek, gohyoz guenjleix, cienzmienh hwngfat, hag rox bonjsaeh” guh banhhag leix- niemh, cienzmienh hengzguh cing- saeqvaq guenjleix, haenqrengz doicaenh dangzgoq Sawcuengh ngeih loih vunqsik sonhag, guh ndei dangzgoq sonhag vunqsik gaijgwz, gyagiengz hagseng gungbaenz gyauyuz, cienzmienh daezsang gyauyuz sonhag cizlieng.

Gaem hong sonhag, coi Cuengh Gun cungj rox. Hong sonhag dwg gij hong cungsim hagdangz, sonhag cizlieng dwg hong youqgaenj hagdangz. “Laebdin yaubwnj beizyin、gaem ndei yaubwnj gyauyenz、 gyagiengz sonhag guenjleix、daezsang sonhag cizlieng” dwg gij yenzcwz guhhong aen hagdangz neix itcig giendingh ciuq guh haenx. Hagdangz genhciz aeu “aeu Cuengh guhcawj, Cuengh Gun giethab, aeu Cuengh coi Gun, Cuengh Gun cungj rox” guh sonhag muzbyauh, gyagiengz hag- dangz guenjleix, mboujduenh daez- sang gyauyuz sonhag cizlieng.

Hagdangz vih daezsang gyau- yenz gyaugaij lijlun siuhyangj, gya- gvangq lauxsae sonhag cihsizmienh, doihengz gij fuengfap “byaij okbae, cingj haeujdaeuj”, gyagiengz yezvu hagsib caeuq gingniemh doxgyau. Hagdangz doengzseiz lij guh ndei gij hong cienjvaq boux hagseng cingzcik mbouj ndei haenx, ciuq dajsuenq miz muzdiz、 miz cimdoiqsingq dwk son hagseng, dem’ak gij saenqsim hag- seng gaenx hagsib、 gyaez hozdung daengj fuengmienh neix, vatcimh gij naengzlig gyoengqde caengz fatok haenx, fatok daegdiemj gyoengqde. Hagdangz vih daezsang gij siengj- naemj suciz hagseng, swnjcienz Cunghvaz vwnzva caeuq conzdungj daudwz ndei nem gij vwnzva maenhndei minzcuz raeuz, banh le 《Cunghvaz Ginghdenj Doegsaw》、 Sawcuengh sijsaw doxdax daengj hozdung, bingz ok it、 ngeih、 sam daengj ciengj.

Lauxsae gaenx guh hong, aeundaej cingzcik lailai. Geij bi neix daeuj, aen hagdangz neix genhciz gvancez gij gyauyuz fuengcim、 cwngcwz dangj, genhciz gyauyuz “sam aen mienhyiengq”, laebdin Cuengh Gun song saw vah sonhag saedniemh, bi 2012 hagdangz ndaej bingz baenz senhcin cizdij; bi 2012 ndwen 9 Liu Gihaij lauxsae ndaej bingz baenz Lozhih Cin lauxsae maenhndei; Dwng Minj lauxsae ndaej bingz baenz Lozhih Cin banhcujyin maenhndei; Banh Suiveih ndaej bingz baenz Lozhih Cin sonhag lauxsouj; Liu Hungz doengzhag camgya bi 2012 Vujmingz Yen Vahcuengh yienjgangj doxdax ndaej ngeih- daengjciengj, camgya gij Bouxcuengh dungxcaiz doxdax youz yienh minzyijban banh haenx ndaej ngeih- daengjciengj.