Dangyienz, gij cingzcik 20 bi neix aeu ndaej, mbouj dandan dwg gij goenglauz Veiz Gozcingh gag boux de, gij cingzcik neix dwg gij ganbu gak gaep caeuq vunzlai gak cuz Guengjsae youq dangjcunghyangh dazyinx lajde haenqrengz guh hong aeu ndaej. Hoeng, ndaej gij cingzcik neix, caeuq Veiz Gozcingh yawj ndaej gig gyae dwk cienzmienh dazyinx caeuq gig miz cingzyauq dwk cujciz bae guh hong doxbaen mbouj ndaej.

De cungsaed hengzguh gij cwng- cwz minzcuz aendangj, laemxsim veizhu guekgya doengjit. De dwg boux goengdaeuz Bouxcuengh, baenzciuh genhciz gij ngeixfap minzcuz Maj- gwzswh, daj aen daengxbuenz leih’ik dangj caeuq lwgminz hwnjdin, cingq- ceq cawjleix gij gvanhaeh Boux- cuengh、Bouxgun caeuq minzcuz vunznoix wnq ndaw swcigih, vih coicaenh minzcuz doxbingz、doxgiet caeuq doengzcaez hwngvuengh guh hong gig haenqrengz sijsaeq, hawj Swcigih Bouxcuengh Guengjsae baenz aen yienghndei minzcuz doxgiet daengx guek goengnyinh ndeu.

De laemxsim hengzguh gij loh- sienq ganbu daek caiz doq miz、genj yungh boux mizcaiz aendangj raeuz, genhciz gauj haj huz seiq haij. De doiq ganbu gak minzcuz, ganbu diegrog caeuq ganbu bonjdieg, ganbu deih- fueng caeuq ganbu ginhdui, ganbu gaeuq caeuq ganbu moq, coengzlaiz cungj dwg bingzdaengj doiqdaih, mbouj faen caen mbouj caen, mbouj laeb gyaeujbya, mbouj gauj coengbai. Couhcinj gij vunzhong henz ndang, cungj youz cujciz anbaiz. De ciuq gij yienhsaed ganbu Guengjsae, youq roengzrengz hawj gij ganbu daj diegrog daeuj ndaej ciengzgeiz louz youq Guengjsae simnet guh hong seiz, caemhcaiq youh ceng’aeu ndaej boengj ganbu、conhgyah、gyausou、yozcej、canghvwnzyoz yisuz、cangh- hongsonsaw、canghhong’yw、cangh- dinfwngz gunghcwngz、canghleix ginghci daeuj daengz swcigih guh hong. De gyaezhoh ganbu, aeueiq vunzcaiz, ciengj fad faenmingz. Haujlai ganbu cungj gamjdaengz youq lajfwngz de guh hong vuenheij dangqmaz, youh ndaej cungfaen baijok gij caizganq bonjfaenh.

(caengz sat)