4 nyied 19 hauh, Swcigih Minzveij cujyin Luz Yenbenj daengj 4 boux bae daengz Hocouh Si, vih Hocouh Si Bazbugih Vangzdung Yauzcuz Yangh ndaej daengz Guekgya Minzveij ancoh baenz “buek daihsam daengx guek minzcuz doxgiet cinbu cauxlaeb hozdung yanghcin guhyiengh” haenx venjbaiz. Hocouh Si Yinzminz Cwngfuj fusicangj Vangz Cigvangh、 Si Minzveij cujyin Vangz Swngcenz、 Bazbugih fugihcangj Loz Yangzswngh daengj camgya le baez hozdung neix.

Vangzdung Yauzcuz Yangh aeu minzcuz doxgiet cinbu cauxlaeb hoz- dung guh hong cungdenj daeuj gaem, giendingh naek youq bingzciengz、 naek youq hengzdoengh、 naek youq gih- cwngz. Caenh’itbouh cauxmoq loh- naemj, aeu hong yawjnaek yinzvwnz- va、 dacung’va、 cizdijva guh caijdij, hawj minzcuz doxgiet cauxlaeb hozdung engq miz rengzlix. Mbouj- duenh gyagiengz cauxlaeb saedyauq, giendingh gij saenqniemh “gak minzcuz cungj dwg ranz vunz ndeu, daengx ranz cungj aeu gvaq hwnj saedceij ndei”, ceijyinx gak minzcuz vunzlai aeu dungxcaiz caeuq rengz comzrom daengz coicaenh minzcuz doxgiet、 caezcaux gyaranz gyaeundei. Doicaenh cienz- mienh siujgangh doengzyamq、 gungh- gung fugsaeh doengzcaet、 fazci bauj- cang doengzgienz, mboujduenh gya- giengz gij roxnyinh aeundaej gak cuz vunzlai, haenqguh haivat minzcuz doxgiet cinbu gizmen moq. Bi 2013 doxdaeuj aen yangh neix ndaej swcigih bingz baenz “swcigih baez daihcaet minzcuz doxgiet cinbu mozfan cizdij”, caenh’itbouh ndaej Guekgya Minzveij ancoh baenz “daengx guek minzcuz doxgiet cinbu cauxlaeb hozdung yangh- cin guhyiengh”.

Youq seiz venjbaiz hozdung, Luz Yenbenj daezok geij diemj maqmuengh: It dwg aeu ceijyinx daengx yangh gak cuz beksingq doengzcaez baenzfouq, ndaej aen cwngheuh ndei neix dwg gij cwnggoj daengx yangh gak cuz bek- singq doengzcaez gaenx guh, aeu ndaej mbouj ngaih, maqmuengh aen yangh neix laebdaeb guh ndei gak hangh hong. Ngeih dwg aeu guh ndei gij daegsaek binjbaiz Mbanjyauz, maq- muengh Yauzcuz dajsiuq cungj din- fwngz neix ndaej swnjcienz. Sam dwg aeu vatcimh caemhcaiq swnjcienz minzcuz vwnzva, muengh daengx yangh gak cuz beksingq caenh’itbouh baujhoh caeuq swnjcienz minzcuz vwnzva.

Doeklaeng, Luz Yenbenj caeuq si、 gih、 yangh daengj cujyau lingjdauj doengzcaez vih aen yangh neix biengj- baiz. (Lanz Siengzcauh/蓝翔超 Mwz Ginjswngh/麦谨生)