Danghnaeuz mbouj miz “swix” daeuj nyauxluenh, Guengjsae 20 bi neix daeuj cingzcik dingh engqgya ronghsag.

Veiz Gozcingh dauq daengz ranzmbanj guh hong, cij laemxsim siengj guh hong ginghci Guengjsae hwnjbae. Daj cauh baenz Camh- dienhraemx Sihcinh daengz Liuj- gangh、Liujva daengj buek gunghyez goekdaej ndaej guh baenz douzcanj, daj yinxhaeuj gij gunghcangj、dinfwngz caeuq vunzguenjleix Sang- haij daengz mbefat gij ginghgunghyez hongdaemj miz daegsaek Guengjsae, daj gietdingh hwnjguh Camhdienh- raemx Dava daengz gij gviveh cunghab leihyungh caeuq Dahraemxhoengz aeu dienh, daj dauqcungz banh Daihhag Guengjsae daengz mbefat gij hong vwnzva、gyauyuz、veiswngh Guengjsae caeuq laebbaenz gak cungj gihgou yenzgiu gohyoz, daj guh Giuzhung Yunghgyangh、Gvanjdijyuz Guengjsae、Heiqciengz Namzningz、Haenzfai Re Raemxrongz Yungh- gyangh daengz gviveh hwnjguh soujfuj swcigih, daj ceng ndaej gij dieg Ginhcouh dauqcungz veh haeuj Guengjsae guenj daengz maeuzveh Fangzcwngz daengj aensok diuzroen okhaij caeuq hwnjguh hong boiqdauq, daj luzva Guengjsae daengz gviveh caeuq hwnjguh hongsaeh gyaudoeng, daj hoenghguh gij suijgu daihhingz、cunghingz、cauh naz cauh reih daengz doigvangq ndaem gofoed caeuq cingj gij vunzguhnaz Cauzsan daeuj son gij dinfwngz maenhndei ndaem gohaeux, daengjdaengj, cungj laemx miz gij lwedhanh Veiz Gozcingh.

Bouxraiz caijfangj gvaq haujlai dungzci laux caeuq Veiz Gozcingh doengzcaez youq Guengjsae guh hong gvaq, gyoengqde daj mboujdoengz gakdoh, yungh mboujdoengz vahcoenz damz le gij yawjfap bonjfaenh. Dingzlai vunz nyinhnaeuz, Veiz Goz- cingh cawjguenj Guengjsae, dijbauj nanz ndaej, cingzcik angjda, doiq dangj caeuq lwgminz Guengjsae mbouj miz maz nyaenq, dwg boux goengdaeuz ndei genhciz yenzcwz、ndangcingq fwngzseuq、cozfungh cingqbaij ndeu. Mbangj dungzci naeuz: youq mwhhaenx cawj , suenq roengz- rengz ceiq haenq lo, gij vunz caiq miz bonjsaeh daeuj guh bouxdaeuz hung Guengjsae, lauheiq hix nanz mauhgvaq gij cingzcik de bw.

(caengz sat)