Bonjbau siusik (gicej Couh Yi) Vih dajcaux gih raeuz “sam nyied sam Bouxcuengh” vwnzva binjbaiz ok geiq- maeuz， Swcigih Minzveij bineix baez daih’it iucingj seiq boux conhgyah mizmingz——Cunghyangh Minzcuz Dayoz Yungz Gunhsinh、Yenz Ging gyausou，Baekging Dayoz Lij Gihingh gyausou，Cunghgoz Yinzminz Dayoz Hoz Hujswngh gyausou, daj 4 nyied 9 daengz 11 hauh, seiq boux conhgyah bae daengz Namzningz、Vujmingz、Cungzcoj、Ningzmingz、Bingzsiengz daengj 5 aen si yen, camgya le geij aen hozdung: Vujmingz “sam nyied sam Bouxcuengh” gaihmusiz、 Guengjsae Minzcuz Cungh- conh ndawhag “sam nyied sam Boux- cuengh” hozdung、Cungzcoj Si “sam nyied sam Bouxcuengh” hozdung, Ningzmingz Yen Yacouh Cunh ciengj bauqva hozdung, caemhcaiq yawjngonz le aen mbanj miz saujsu minzcuz daeg- saek Bingzsiengz Si Mbanjbanjsiuj.

Lij Gihingh gyausou ceijok, Guengjsae “sam nyied sam Boux- cuengh” hozdung gig miz deihfueng minzcuz daegsaek, gij rengzgietcomz caeuq ganjyenjliz minzsuz hozdung yienh’ok haenx gig yinx vunz. Haiguh “sam nyied sam” hozdung, aeu laebdin gaem ndei minzcuz daegsaek, yungh gij fuengsik sonhag yungzhaeuj guh’angq aeu minzcuz daegsaek yienh okdaeuj, hawj vunzlai camgya gij minzsuz hozdung gig miz hudungsing caeuq canhyijsing neix, leihyungh doenghgij hozdung neix fatyiengz minzcuz cing- saenz caeuq minzcuz vwnzva. Doengz- seiz, mbouj wngdang dan youq gvaengxlaengx Guengjsae raeuz, vanzlij aeu cungj fuengsik sonhag yungzhaeuj guh’angq neix doigvangq daengz daengx guek gak dieg, gyahung gij yingjyangjliz “sam nyied sam Bouxcuengh”.

Hoz Hujswngh gyausou naeuz, “sam nyied sam Bouxcuengh” hozdung baijyienj le gij vwnzva hingzsik caeuq gij yinxdaeuz Bouxcuengh gig daegbied, banh “sam nyied sam Bouxcuengh” hozdung, gij muzdiz engqgya youqgaenj dwg doenggvaq cwngfuj cujciz, hawj gij minzsuz hozdung conzdungj ndaw- biengz ndaej swnjcienz caeuq hwngfat, yienghneix mboujdan fungfouq gij cingsaenz saedceij vunzlai, caemh ndaej daejyienh vwnzva daegsaek Bouxcuengh Guengjsae, gyagiengz vunz Bouxcuengh doiq minzcuz vwnzva bonjfaenh miz nyinhdoengzgamj caeuq swhauzganj.

Yungz Gunhsinh gyausou nyinh- naeuz, laegdaeuq vatcimh gij neihanz minzcuz vwnzva, caemhcaiq doenggvaq gak cungj hingzsik biujyienh okdaeuj, hawj daihgya itheij camgya caeuq roxnyinh, yienghneix doiq minzcuz vwnzva hwngfat miz leih, doengzseiz ceiq ndei ndaej aeu minzcuz vwnzva caeuq ginghci leih’ik hableix giethab haeujdaeuj, guhbaenz itdingh haw- ciengz vwnzva caeuq gveihmoz, yiengh- neix doiq dajcaux hozdung binjbaiz “sam nyied sam Bouxcuengh” miz leih.