Gaxgonq, miz song boux beixnuengx gag dawz aen sieng cang hingzlij he okbae gizgyae. Youq gwnz roen, aen sieng naek lai, song boux beixnuengx dawz ndaej baegfofo, yaek nyaenx mbouj ndaej lo. Song boux haenx cijndei fwngz baihswix naet le vuenh fwngz baihgvaz bae dawz, fwngz baihgvaz naet le youh vuenh fwngz baihswix bae dawz. Sawqmwh, daegbeix daengx roengzdaeuj, youq henz roen cawx diuz hanz ndeu, venj song aen sieng hingzlij youq song byai diuz hanz. Yienghneix, de rap hwnj song aen sieng hwnj roen laebdaeb ganj loh, gamjdaengz dauqfanj soengswt lai lo. Daegnuengx de hix mbouj yungh caiq dawz aen sieng hingzlij naek haenx lo. Doiq song boux beixnuengx neix daeuj gangj, cungj dwg gienh saeh ndei.

Youq gwnz roen ciuhvunz raeuz, itdingh rox bungz daengz nanzcawq haujlai yienghneix roxnaeuz yienghhaenx. Hoeng, raeuz dwg mbouj dwg cungj rox, youq gwnz roen doxbae, bang bouxwnq buen ok ndaek rin dangj de laebdaeb byaij coh naj he? Miz saek seiz hix cingqngamj dwg bang swhgeij guh roen bw.