4 nyied 9 hauh banringzgvaq, gaiq daihsamgouj Guengjsae boux youq ging angqhoh “sam nyied sam” daihhingz hoihlienzvuen youq Cungh- yangh Minzcuz Dayoz dalijdangz banh. Gak hangz Guengjsae boux youq ging gungh cien lai boux doxcomz youq giz haenx, doengzcaez angqhoh Guengjsae gak cuz beksingq yenzswnghdai “sam nyied sam” conzdungj cietndei.

Baez hoih lienzvuen neix aeu “it rangh it loh, Guengjsae gyaeundei” guh cawjdaez, youz byaraemx、 yinzvwnz、 simlingz、 doxgiet seiq aen biencieng gapbaenz. Baijyienj gij cwngzgoj Guengjsae gaenh geij bi neix vaiqvit hwngfat, baijyienj le Guengjsae yinzminz caen sienh gyaeu, heuhhwnj gij gveihsuzganj Guengjsae boux youq ging.

Hoihlienzvuen haimuq gaxgonq, youq Cunghyangh Minzcuz Dayoz dalijdangz baihnaj gvangjcangz banh Guengjsae vwnzvacanj nem doiq fwen、 bau aendomq、 fouxdohyeh、 fouxsaux daengj angqhoh hozdung. Youq vwnzvacanj yienhciengz, gaiq daih samgouj sam nyied sam baenzdauq hozdung dauqyawj dozbenq、caz- loegbauj caeuq faenjsei daengj daegsaek gijgwn ndei Guengjsae yinx ndaej haujlai vunz Guengjsae daeuj yawj、 daeuj cimz.

(Baekging Guengjsae Vwnzva Yisuz Cuzcinvei)