Bakaek Si Yougyangh Gih 2016 “ciengqyiengj sam nyied sam、 caez guh siengjmuengh Yougyangh” minz- suz hozdung 3 nyied 30 hauh youq Baksaek Swnhlinz Gvangjcangz banh, dangngoenz hozdung yinx ndaej ca mbouj geijlai sam fanh boux vunz daeuj yawj.

Vih haenqrengz senhconz minz- cuz vah saw cwngcwz、 gya’gvangq gij yingjyangj minzcuz vah saw, doengz- seiz vih hozdung gyahaeuj minzcuz yenzsu, Yougyangh Gih Minzcuz Swvugiz yungh ndei baez minzsuz hozdung neix, guh ndei hong senhconz caeuq yungh Sawcuengh youq “sam nyied sam” minzsuz hozdung seiz. It dwg daizheiq minzsuz hozdung sezgi sawjyungh Cuengh Gun song cungj saw, camgya doxdax cozbinj cienzbouh yungh Vahcuengh yienjciengq; ngeih dwg youq hozdung cawjhoihciengz seiqhenz faenbied venj 4 diuz fuk- vengz Cuengh Gun song cungj saw 1.3×20 mij; sam dwg hoihciengz canjbanj byauhdiz、 camgya doxdax cezmuz siennaeuz、 mbawcingq mingzdaeuz daengj cungj yungh Cuengh Gun song cungj saw yaenq. Doenghgij banhfap neix mizrengz coicaenh ndawbiengz yungh Sawcuengh, gya’gvangq le minzcuz vah saw ndawbiengz yingj- yangj.(Luz Yuzgangh/陆如刚)