3 nyied 23 hauh, Lungzswng Gak Cuz Swciyen Lozgyangh Yangh Baujcwng Cunh banh conzdungj “ciet caeqsah” moix bi gvaq baez haenx. Ngoenzhaenx, geij cien boux beixnuengx Dungcuz daenj buhvaq ngoenzciet gyaeuget ronghsag doxcomz youq giz haenx, haiguh conzdungj caeqsah、ciengq golaux Dungcuz、 aenvenz caijdangz daengj minzsuz hozdung gig miz daegsaek haenx, cungfaen baijyienj gij yinxdaeuz daegbied caeuq gij goekdaej vwnzva naekna Dungcuz. Hozdung yinx ndaej le haujlai hekyouz caeuq dangdieg vunzlai daeuj roxyiuj gij minzcuz vwnzva vunz Ranzdung “caeqsah” gaeuqgeq saenzgeiz caeuq yenzswnghdai haenx.

Ciuq cam rox, “ciet caeqsah” dwg fungsug daj Dungcuz mehmbwk sicuz sevei seizgeiz ce roengz- daeuj, youq dieg Dungcuz cijmiz ndwencieng youqgaenj gvaq de. Ngoenzciet ngoenzhaenx, beix- nuengx Dungcuz aeu gij fuengsik Ranzdung daegbied haenx caeqbaiq mehsaenz Dungcuz “Sahsui” gouz rumz swnh fwn yinz、 vuenyungz youqndei.

(Banh Cisiengz/潘志祥 Vuz Swnghbinh/吴生斌)