Bi 2015, Guengjsae gaenxmaenx onjdangq haiguh Cuengh Gun song saw vah gyauyuz.

It dwg laebdaeb gyagiengz Cuengh Gun song saw vah lauxsae gungganq beizyin. Doenggvaq “dingh- yiengq gungganq” vunqsik, ciuloeg caeuq gungganq 80 boux Cuengh Gun song saw vah swhfanswngh mbouj aeu cienz. Doenggvaq caiciz gungganq、 gaenriz gungganq nem banh gak cungj song saw vah beizyinbanh 16 aen, gungh gungganq、 beizyin song saw vah sonhag lauxsae mizmingz、 guzgan lauxsae caeuq gyauyenzyenz 1600 lai vunzbaez. Hengzguh “beizyin + yozliz” vunqsik beizyin hanghmoeg, 2013 gaep yozyenz miz 150 boux swnhleih bizyez aeu ndaej bwnjgoh vwnzbingz, ndawde 42 boux aeu ndaej yozsw yozvei. Yungh gij fuengsik “soengq son daengz yienh”, faen buek baij lauxhangz bae daengz mizgven yienh(gih) haiguh ciendaez beizyin, gungh beizyin song saw vah yozcenz lauxsae 224 boux.

Ngeih dwg gaem ndei hong biensaemj Cuengh Gun song saw vah sawsonhag. Beizyin song saw vah sawsonhag bouxbien bouxsij bouxhoiz 45 boux, cujciz bien sij hoiz caeuq coihdingh Cuengh Gun song saw vah sawsonhag 19 cungj、 bonjlienhguh 19 cungj、 sawrogdangz 10 cungj, cujciz lauxhangz saemjcaz Cuengh Gun song saw vah sawsonhag caeuq sawrogdangz 55 cungj. Linghvaih, guhsat gij hong《Hagseng Cuengh Gun Sawloih》satsaemj, caeuq 《Gauhcungh Sawcuengh Senjsiuhgo Sawsonhag》dungjgauj daengj.

Sam dwg yawjnaek haiguh Cuengh Gun song saw vah gyauyenz hozdung. Youq Vanzgyangh Mauz- nanzcuz Swciyen、 Sangswh Yen banh Cuengh Gun song saw vah gyauyenz hozdung, miz 233 boux camgya, cungdenj doiq Cuengh Gun song saw vah sonhag fuengfap caeuq soujduenh、 biucinj Vahcuengh sonhag caeuq vahdeihfueng bangbouj sonhag daengj fuengmienh guh yenzdauj. Banh gaiq daihngeih daengx gih siujhagseng biucinj Vahcuengh dungxcaiz biuj- yienj doxdax, gungh 33 aen yienh(si、gih) 158 boux siujhagseng camgya baez doxdax neix. Cujciz daengx gih Cuengh Gun song saw vah siujyoz sam、roek nienzgaep hagseng guh Vahcuengh Sawcuengh suijbingz dagsawq, camgya dagsawq miz 9500 boux hagseng.

Seiq dwg laebdaeb hengzguh hong minzcuz song saw vah hagdangz den’gyau vahyaem sonhag sezbei hanghmoeg, roengz hanghmoeg cienz- ngaenz 240 fanh maenz, haeujcoengh 16 aen minzcuz song saw vah hag- dangz gaijndei sonhag diuzgienh, lienzhab Guengjsae Den’gyaugvanj guh ndei hong ciubiu dajcawx caeuq guenjleix sawjyungh song saw vah hagdangz den’gyau vahyaem sonhag yizgi sezbei.

(Swcigih Minzveij Vangj)