Gaxgonq, miz song boux vunz lienh sij cih mauzbit. Boux vunz ndeu gig nyinhcaen dwk ciuq cih mauzbit vunzciuhgonq bae lienh sij, moix bit veh cungj yaek lumj saek boux suhfazgyah ndeu, baez sij baenz yienghneix, de couh gig daekeiq.

Lingh boux vunz caeuq de cix mbouj doxdoengz. Mboujdan gaenx lienh sij, caemhcaiq lij iugouz swhgeij moix bit veh cungj caeuq vunz- ciuhgonq mbouj doxdoengz, nyinh- naeuz swhyenz ceiq ndei. Itcig lienh daengz aen iugouz neix, de cij gamjdaengz ndawsim maedsaed.

Miz ngoenz he, boux vunz daih’it byaep dwk cam boux vunz daihngeih:“Beixnuengx a, gou cam mwngz, cih mauzbit mwngz miz bitveh lawz dwg vunzciuhgonq? ”

Boux vunz daihngeih mbouj hozgaek saek di, dauqfanj cijdwg riuhaha dwk cam boux vunz daih’it:“Beixnuengx, gou hix siengj cam mwngz, cih mauzbit mwngz sij miz saek bit lawz dwg mwngz swhgeij?”

Boux vunz daih’it dingq le, aj bak hoeng gangj mbouj ok saek coenz vah daeuj.

Bouxvunz yaek daj giz mbouj miz roen byaij ok diuz roen he okdaeuj, mbouj aeu saetbae goqsingq swhgeij, cungj dwg bae ciuq bouxwnq, yiengh- neix couh ra mbouj raen gij gyaciz caeuq yiyi gak boux vunz youq aen gwnzbiengz neix.