Gwn laeuj bae hai ci,

Famh fazliz ceiq naek,

Lumj faex dwk cagmaeg,

Caek he hix mbouj vej.

Gwn laeuj cij hai ci,

Miz ngoenz cungj ok saeh,

Baujmaj bienq diet myaex,

Aeu mingh bae guhcaemz.

Mizmbangj boux swhgih,

Hai ci doxbeij vaiq,

Swhgeij dai couh dai,

Haih daengz mingh bouxwnq.

Hai ci vaiq mbouj ndei,

Souj gyauhgveih cij baenz,

Loek ci gwnz roen baenq,

Da gaen mbouj ndaej yaep.

Ndang nyieg mwngz gaej hai,

Daraiz gyaeuj youh nyunz,

Hingsi yawj mbouj cunj,

Bungq daengz vunz cij daengx.

Raninz ci lij hai,

Hai daengz gwnz bo bae,

Ra vunz bang mbouj ndaej,

Daej hix mbouj miz yungh.

Ci gaej cang daiq rim,

Naeuz mwngz sim aeu geiq,

Beij gijmaz cungj ndei,

Beij mbouj hwnj souhgyaeu.

Gyauhgveih geiq ndawsim,

Lumj ndaej gim coq daeh,

Ciuhvunz mbouj suenq raez,

Ok saeh ienq mbouj gib.