Guengjsae Lungzswng Gak Cuz Swciyen Vangzloz Yauzcai dwg aen Mbanjyauz youq dieggyae diegbya he, aenvih byoem raez lwgmbwk Hungzyauz ndaej haenh baenz “lajmbwn aenmbanj byoem raez daih’it”. Banh Lenzfung lwnh gicej, gyoengqde moix bi cungj ndaej daj gij cienz lijyouz souhaeuj haenx faenhoengz bet gouj cien、 roxnaeuz fanh maenz ngaenz doxhwnj. “cwngfuj lij bang raeuz coih loh haeuj mbanj dem, gaenh bi neix daeuj, ndaw guek rog guek hekyouz yied daeuj yied lai. Gyoengqde daeuj faenyiengj gij saujsu minzcuz vwnzva raeuz, saedceij raeuz yied daeuj yied ndei.”

Swcigih fucujsiz Vangz Siyungj 11 hauh youq Cunghsinhse gicej conhfangj seiz naeuz, dangqnaj, Guengjsae cingq caezsim caenhrengz hwnjguh diegguhyiengh minzcuz doxgiet cinbu, guhndei dieg minzcuz baenzfouq vutgungz.

Guengjsae miz saujsu minzcuz youq ca mbouj geij lai 2000 fanh vunz, dwg aen swngjgih Cungguek saujsu minzcuz gyaeujvunz ceiq lai, itcig baujmaenh baihndaw huzndei hoenghvuengh. Vangz Siyungj naeuz, neix ndaej ik gij cwngcwz minzcuz Cungguek, ndaej ik Guengjsae itcig genhciz caeuq laeb caezcienz minzcuz gihyiz swci cidu, mboujduenh haenq guh gij giekdaej doxgaiq minzcuz doxgiet cinbu, yawjnaek gaijndei saujsu minzcuz diegcomzyouq hwngfat diuzgienh, haenqrengz hengzguh minzcuz vwnzva hwngfat canloz.

Vangz Siyungj naeuz, Guengjsae gaem ndei gij seizndei mienhyiengq Dunghmungz cieplienz Guengjdoeng Yanghgangj Aumwnz suengyiengq, doicaenh dah haij lienzdoengh、 dieghawq haij doxdoeng, saedyienh “gyaeujlungz” caeuq “diegdungx” yungzhab hwngfat. “cibngeih haj” geizgan, Guengjsae ranghdieg swngh- canj cungjciz moix bi bingzyaenz demgya 10.1%. moix vunz bingzyaenz ranghdieg swnghcanj cungjciz 3.5 fanh maenz, ginghci hwngfat daengx- cungq haeuj mboengq cunghdwngj souhaeuj. Namzningz、 Liujcouh、 Baksaek daengj 7 aen si vunz saujsu minzcuz haemq caebcomz haenx ranghdieg swnghcanj cungjciz hix yienh’ok yathamjsik hwngfat.

Vangz Siyungj naeuz, vih coicaenh minzcuz vwnzva doxgyau doxgap, gaenh geij bi neix daeuj, Guengjsae aeu“sam nyied sam Bouxcuengh”ciet hawfwen、 Namz- ningz ciet minzgoh yisuz gozci daengj minzcuz ngoenzciet binjbaiz guh bingzdaiz, aeu Bouxcuengh ndawbiengz cienzgangj nem saeh- gienh lizsij guh goekdaej sijcaux vwnzva cozbinj, haenqrengz hengz- guh minzcuz vwnzva hwngfat canloz, gujli saujsu minzcuz vwnzva byaijcoh Dunghmungz、 byaijcoh seiqgyaiq.

(Cunghsinhse gicej Yangz Cinz)