Ginhcouh Si Ginhbwzgih Naz- mungz Cin Bwngzsanh Siujyoz bi 1954 hainduj banh. Ndaw hag laeb miz aen youwzyenz dabanh he. Seizniex hagdangz miz hagseng 278 boux, 7 aen ban, lauxsae 12 boux, ndawde siujyoz gaugaep lauxsae 8 boux, bwnjgoh yozliz lauxsae 4 boux, conhgoh yozliz lauxsae 7 boux.

Aen hagdangz neix ndaej dingh baenz Cuengh Gun song saw vah sonhag saedniemh siujyoz gvaqdaeuj, mboujduenh gyalaeg gyauyuz gaijgwz, cienzmienh hengzguh suciz gyauyuz, cugbouh guhbaenz gij lohnaemj guhhong “ndaw giengz suciz, giengz- vaq guenjleix, daezsang cizlieng”, lozsiz gij fuengcim sonhag “aeu Cuengh guhcawj, Cuengh Gun giethab, aeu Cuengh coi Gun, Cuengh Gun cungj rox”, aeu gungganq ok cienzmienh hwngfat hagseng guh muzbyauh.

Hagdangz giendingh aeu hong Cuengh Gun song saw vah sonhag “cibroek cih” fuengcim guh sonhag sonyinx fuengcim, roengzrengz damqra Cuengh Gun song saw vah sonhag fuengfap habngamj saedcaeq bonjdieg, nyinhcaen cungjgez Cuengh Gun song saw vah sonhag gingniemh, haiguh gak cungj Cuengh Gun song saw vah sonhag hozdung. Yawjnaek Cuengh Gun song saw vah lauxsae yezvu beizyin. Haiguh Cuengh Gun song saw vah lauxsae beizyin hingzsik lai yiengh, doenggvaq lai cungj roenloh hawj hagdangz Cuengh Gun song saw vah sonhag cizlieng mboujduenh daezsang.

Hagdangz aeu minzcuz vwnzva nabhaeuj gocwngz, naek youq gwnz dangz sonhag. Baujcwng minzcuz vwnzva gyauyuz gocwngz seizgan anbaiz, dangzgoq Sawcuengh roix- doeng hagdangz minzcuz gyauyuz daengx gocwngz. Cungfaen leihyungh bonjdieg minzcuz vwnzva swhyenz, cujciz haiguh minzcuz vwnzva maenhndei haeuj hagdangz hozdung, doidoengh dangdieg fwen ndaw- biengz、 gofoux ndawbiengz、conz- dungj dijyuz hozdung haeuj godangz. Gaem ndei youqgaenj ngoenz geiq- nienh、 minzcuz conzdungj ngoenz- ciet, cujciz haiguh go minzcuz doxgiet cienzciengq、 minzcuz gofoux yienjok、 saujsu minzcuz daegsaek vwnzva baijyienj daengj vwnzdij hozdung hingzsik lai yiengh, yiengq gyoengq hagseng cungfaen baijyienj gak cuz yinzminz doxgiet caemhsim, caezcaux gij yienghsiengq cingsaenz huzndei. Cungfaen leihyungh gyaez guek cujyi gyauyuz gihdi caeuq minzcuz doxgiet cinbu gyauyuz gihdi haiguh ciendaez gyauyuz caeuq saedhengz hozdung. Hagdangz mboujduenh cungjgez banhhag gingniemh, dingh ndei cauxmoq gihci, gyagiengz beizyin doih lauxsae minzcuz gyauyuz, haiguh minzcuz doxgiet gyauyuz sonhag yenzgiu caeuq sonhag doxgyau, daezsang minzcuz doxgiet gyauyuz cimdoiqsingq、 gohyozsingq、 saed- yauqsingq.

Baengh goqdaez yenzgiu caux daegsaek hagdangz. Hagdangz Cuengh Gun song saw vah sonhag goqdaez yenzgiu aeundaej itdingh yaugoj. Youz gyauyenzyenz gyauyuz- giz Cuengh Gun song saw vah daiq doih, hagdangz Cuengh Gun song saw vah lauxsae gaenxmaenx bauq sigaep goqdaez yenzgiu, 《Gij Yenzgiu Saedyungh Sawcuengh Sonhag Saedhengz “Aeu Cuengh Coi Gun”》 goqdaez youq 2015 nienz 5 nyied swnhleih guhsat. Baengh goqdaez yenzgiu, cauxlaeb minzcuz vwnzva gyauyuz daegsaek hagdangz, aeu beizyin hagseng saedhengz、 cauxmoq naengzlig, daezsang hagseng yinzvwnz suciz, swnjcienz minzcuz vwnzva maenhndei, gyagiengz minzcuz miznaj guh diemj youqgaenj gyauyuz sonhag, hawj hagdangz caen aeu minzcuz vwnzva gyauyuz guh gij youqgaenj habbaenz bouhfaenh hagdangz gyauyuz sonhag.

Ginggvaq lai bi roengzrengz haenq guh, hagdangz youq Cuengh Gun song saw vah sonhag fuengmienh aeundaej cingzcik gig ndei. Vangz Bozcauz、 Vangz Gizyinh、 Lij Cingyiz daengj doengzhag ndaej bi 2015 haggeiz cin daengx cin cingzcik baizmingz itdaengjciengj. Veiz Sez- meiz doengzhag ndaej bi 2015 daengx gih Vahcuengh biucinj dungxcaiz biujyienj samdaengjciengj. Fangh Haijcinh lauxsae ndaej bi 2015 haggeiz cin Nazmungz Cin sonhag cingzcik samdaengjciengj, Vangz Siujlanz lauxsae ndaej 2013—2014 haggeiz nienzdoh Ginhbwzgih Gyauyuzgiz hong sonhag ngeih- daengjciengj, Banh Gveigyauh laux- sae ndaej Nazmungz Cin lauxsae maenhndei cwngheuh, Luz Gvangh- binh lauxsae ndaej 2014 nienzdoh Ginhbwzgih bouxvunz senhcin, Luz Gvanghyenj lauxsae ndaej bi 2015 daengx gih Vahcuengh biucinj dungxcaiz biujyienj sonyinxciengj. Lauxsae sij Cuengh Gun song saw vah sonhag lunvwnz ndaej ciengj sigaep doxhwnj geijcib bien, hagdangz song saw vah sonhag miz bouhloh haiguh.