Lwggwz lauxsae goengbouh aen gietdingh neix le, Dinsang 9 caeuq Dindaemq 6 cungj doeknaiq dahraix, gyoengqde naengh baiznduj, haetcog youz songde daiq gyoengq doengzhag doegsaw gonq.

Dangzdoegcaeux le, Dinsang 9 caeuq Dindaemq 6 gaem bonj saw yijvwnz ndwn daengz gwnz gyangjdaiz. Lwggwz lauxsae ndwn youq bakdou coh songde ngaekngaek gyaeuj, eiqsei dwg daengz seizgan daiq doeg lo. Songde ngamq doeg sam seiq coenz vunz daengx ban cungj riu liux, aenvih songde boux doeg boux, cungj mbouj leixlangh bouxwnq. Lwggwz lauxsae hawj songde dingz roengzdaeuj, heuh gyoengqde doxyaeng doeg bien govwnz lawz gonq. Dinsang 9 mazmwnh ndwn dwk, couh dwg mbouj caeuq Dindaemq 6 gangjvah. Dindaemq 6 hix mbouj haengj hai bak gangj saek coenz.

Lwggwz lauxsae roengz gietsim gaij gij beizheiq haeu songde, gangj danghnaeuz songde dazyinx doegsaw mbouj baenz, cuengqhag le vunz daengx ban cungj ngaiz louz roengzdaeuj, cigdaengz doeg sat le cijndaej dauqranz. Yienghneix, boiqhab baenz mbouj baenz mboujdan dwg gij saeh songde, lij gvanhaeh daengz doengzhag daengx ban dem bw. Gyoengq doengzhag cungj hemq songde vaiqdi daiq doeg, mizmbangj doengzhag lij cawjdoengh oknaj son songde baenzlawz yinx doeg dem. Yienghneix, songde mbouj doxgap cungj mbouj baenz.

Dangzdoegcaeux neix cungj dwg songde dazyinx doeg. Hoeng lij suenq muenxeiq, song bouxcaeuz doengz congz neix doeklaeng ndaej doengzcaez doeg sat bien govwnz he lo. Gyoengq doengzhag cungj angqyangz dwk hemqcaca haenh songde doeg ndaej ndei. Gizsaed doengzhag dwg sim’angq cuengqhag le mbouj ngaiz fad louz roengzdaeuj doegsaw lo. Raen gyoengq doengzhag baenz angq, Dinsang 9 caeuq Dindaemq 6 hix simyungz liux, aen sim baez angq, song boux cungj riu’ij lo, baenz nanz cij baez nduj raen songde riu, doengzhag daengx ban cungj ngawh liux.

Cuengq hag le, Dinsang 9 mboujcaiq lumj doenghbaez nei daegdaengq hamj Dindaemq 6, hoeng doeklaeng de lijdwg mauhgvaq Dindaemq 6 lo, lij mauhgvaq de gig gyaeraez dem. Mwh byaij gvaq duenh loh diuzmieng vangz gvaq haenx, Dinsang 9 raen dahniq 6 bi baedauq Mbanjnazlungz he cingq ndwn youq henz mieng najsaep sadsad, henzndang lij miz raq gaeq he、duz mameh he caeuq haj duz malwg.

“Mwngz dwg you gvaqbae mbouj ndaej lwi?”Dinsang 9 baeznduj gvensim gij saehndwi bouxwnq.

“Duzma gou naek lai, gou umj de diuq mbouj gvaqbae. Gou hix siengj heux gvaq mbanj wnq bae ma, hoeng youh lau duzma aen mbanj haenx coemj gvaqdaeuj haeb gou.”Dahniq danq gaemz heiq he, mbouj rox baenzlawz cij ndei.

Dinsang 9 bang de siengj le aen banhfap he:“Gou bienqbaenz aen giuz he hawj duzma caeuq duzgaeq mwngz gvaqbae.”

Dahniq doeksaetyat yawj de, mbouj saenq de ndaej bienq diuzgiuz he okdaeuj.

Aen sim Dinsang 9 lij angqfwdfwd, de gagnyienh aeu aen ndangdaej raezrangrang swhgeij dangq diuzgiuz he. De riunyum dwk, sien hamj yamq he daengz mbiengj mieng wnq, ut hwet roengzdaeuj, song fajfwngz cengj mbiengj hamq he, song diuz ga youh doxgap cengj daengz mbiengj wnq.

Ndei lo, seizneix couh miz diuz giuz he lo.

Dinsang 9 heuh dahniq vaiqdi daiq mameh malwg caeuq gaeqmeh gaeqnumh de gvaq giuz. Mameh byaij dangqnaj, hoeng de byaij song sam yamq le couh dingz roengzdaeuj, byaij doxdauq. Mameh mbouj byaij, malwg hix mbouj byaij. Gaeqmeh hix daiq gaeqnumh youq gizhaenx yawj duzma. Dahniq ndwn youq henz giuz cengj duzma hwnjbae, gujli de maenh’ak dwk byaij gvaqbae.

Doeklaeng duzma dingq gij vah dahniq, gag sawq gvaq giuz gonq, saeddingh ancienz le de caiq dauqma daiq malwg gvaq giuz, baenzneix gaeqmeh gaeqnumh hix doxriengz gvaq giuz lo.

Dindaemq 6 dingjlingz ndaej raen Dinsang 9 aeu ndangdaej guh giuz. De sawqmwh fatyienh, youq laj nditndat, Dinsang 9 boemz baenz aen giuz he caen dwggyaez lai lo, de nyinhnaeuz aen giuz neix dwg aen giuz ceiq ndei swhgeij raen gvaq he.

Dinsang 9 ndwn hwnjdaeuj le cij raen Dindaemq 6, songde boux yawj boux cungj gag riuoiq lo. Yienznaeuz cungj mbouj ndei eiqei, hoeng miz raq rengz he lumjbaenz mbongq haeuj ndaw ndang gyoengqde bae nei, gaendwk raq rengz haenx youh bienqbaenz riunyum yienh daengz gwnz naj songde bae. Daengzlaeng, gyoengqde boux gonq boux laeng byaij gvaq haenznaz dauqranz seiz, fajnaj lij riunyum lumj dujva hailangh nei.

Gvaqlaeng, youq ndaw gyausiz, gonj gangbit Dinsang 9 doek roengz laj daengq, aen ndang raezrangrang de siengj ut hwet roengzdaeuj ra gig mbouj fuengbienh, ndigah de caenhndei iet song cik fwngz raezrangrang de daengz lajdeih bae cimh. Fajfwngz raezrang de youq gwnz dieg mo baez he, mo daengz cik din he, dwg cik din Dindaemq 6.

(5)

茄子老师把这个决定公布以后，高脚9和矮脚6的脑袋都耷拉下来了，他们坐在第一排，明天一早先由他们俩开始引读。

早读课开始，高脚9和矮脚6拿着语文课本走到讲台上站好。茄子老师站在门口对他们轻轻点点头，示意开始读。他们俩刚读了三四句全班人就笑起来，他们是各读各的。茄子老师让他们俩停下来，要他们先商量好读哪篇。高脚9僵着，就是不跟矮脚6说话。矮脚6也同样固执地坚持着沉默。

茄子老师下定了决心要治治他们俩的臭脾气，说如果他们俩不配合好一起完成引读任务，放学以后全班人都留下来，直到读完才能回家。这样一来，就不仅仅只是他们俩的事了，还关系到其他同学。所有同学都一齐给他们施压。也有些同学站出来帮调解僵局。他们俩被情势所逼，再也不能回避。

整个早读课几乎成了他们俩单独的引读课。但结果还是让人满意的，这两个仇敌同桌终于一起朗读完一篇课文。同学们高兴得跳起来为他们欢呼，其实他们高兴的是放学不用罚留了。但他们这份高兴的心情却钻进了高脚9和矮脚6的心里，悄悄地转化成奇妙的力量，那力量让笑意从嘴角挂起，像星火一样点燃了短短的炮引，瞬间笑容像烟花一样绽放开来，美得耀眼，凡是看到那瞬间笑容的学生都惊得呆了一下。

放学以后，高脚9没有再像从前那样故意超越矮脚6，但最终他还是超越了他，遥遥领先。依然有着好心情的高脚9走过双夹木以后，看到龙田村的一个六岁左右的阿娘儿站在沟渠边发愁，站在她身边和她一起发愁的还有一群鸡、一条年轻的狗妈和五条小狗。

“是为过沟渠发愁吗?”好心情的高脚9破天荒过问陌生人的闲事。

“我的大狗太重，我抱着它跳不过去。我也想过绕别的村子找路，可又怕那村子里的狗会扑出来咬我的狗”。阿娘儿叹了一声气，一时想不出更好的解决办法。

高脚9为她想了一个办法：“我能变成桥让你的狗和鸡走过去。”

阿娘儿吃惊地看着他，不太相信他会变魔术。

高脚9因为心情好，愿意让自己长长的身体变成桥。他微笑着，先跨一步到沟渠对岸，弯下身来，双掌撑在对岸边后再收回左脚并到右脚那边去。

好了，现在就有了一座桥了。

高脚9叫阿娘儿快让她的大狗小狗还有大鸡小鸡们过桥。大狗走前，但它有点不放心的样子走两步又停下，退回。大狗不走，小狗也不走。大鸡带着小鸡在旁边静观着狗。阿娘儿站在桥边把狗推上去，鼓励它勇敢地走过去。

最后大狗还是听阿娘儿的话，先试着过桥，确定安全以后它再回来带小狗过桥，于是大鸡小鸡也跟着过了桥。

这动人而有趣的一幕正好被矮脚6看到。他突然发觉，在阳光下卧成桥的高脚9很可爱，那是他所看到的最好的桥。

高脚9站起来的时候无意中看到了矮脚6。两人的目光就那样在毫无预防的时候突然相遇，彼此灿烂的笑容也来不及收藏起来。虽然这样的场面有点尴尬，但他们好像获得一股奇妙的力量，那力量又让绚丽的笑容再次绽放在各自的脸上。直到后来，他们一前一后地走在回家的那条田埂路上时，脸上的笑容也依然像花一样开着。

后来，高脚9在教室里掉了钢笔，长长身子的他要弯腰到地上找是很不方便的，所以他只能伸出两只长长的手在地上摸。长长的手在地上摸一下，摸到一只脚，是矮脚6的脚。

（5）