Namzningz Si Minveij cujyin Suh Cigangh、 Minzyijveij cujyin Mo Swhhungz 3 nyied 2 hauh banhaet bae daengz Swcigih Minzyijveij, bauqlwnh gij cingzgvang hong vah saw minzcuz Namzningz Si. Swcigih Minzyijveij fucujyin Yangz Gijbyauh、 Vangz Cenzcungh, fusinzsiyenz Yangz Yigez nem gihgvanh gak cusiz cwng、 fucucangj(cujyin) camgya dingq le bauqlwnh.

Gwnz hoih, Suh Cigangh ciuq laebguh minzcuz vah saw canloz doxgap bingzdaiz、 cingjgouz Swcigih Minzyijveij laebdaeb gyalai doiq Namzningz Si hong vah saw minzcuz haeujcoengh sonyinx ligdoh caeuq gyalai doiq Namzningz Si hong Sawcuengh senhconz ligdoh, yiengq Swcigih Minzyijveij guh le cingjsi, Mo Swhhungz ciuq gij dajsuenq bi 2016 Namzningz Si hong cungdenj vah saw minzcuz nem cincanj cingzgvang guh le bauqlwnh.

Dingq le bauqlwnh, Yangz Gij- byauh doiq gij cingzcik geij bi neix Namzningz Si hong vah saw minzcuz aeundaej haenx guh le cungfaen haengjdingh, caemhcaiq ciuq baenz- lawz caenh’itbouh guh ndei bi 2016 aen si neix hong vah saw minzcuz daezok le yigen.

Yangz Gijbyauh giengzdiuh, Namzningz Si hong vah saw minzcuz aeu roengzsim gaem cungdenj, dajcaux diemjrongh, daiqdoengh cienzmienh. De genyi bi 2016 cungdenj gaem ndei sam hangh hong: It dwg hopheux Namzningz Si hong cauxguh daengx guek minzcuz doxgiet cinbu si guhyiengh, nyinhcaen yenzgiu dingh- ok fueng’anq hong song vah saw huzndei segih hwnjguh caemhcaiq nyinhcaen cujciz hengzguh; genyi Namzningz Si densidaiz youq Vuj- mingz hailaeb si gaep densidaiz Vahcuengh binzdau, Guengjsae Gvangjbo Dendaiz、 Guengjsae Densi- daiz youq gizhaenx laeb Vahcuengh cezmuz hoizcaux cungsim. Ngeih dwg aeu Swcigih Yinzminz Cwngfuj baecinj haiguh hong Vahcuengh Sawcuengh suijbingz gaujsi cangzdaiva guh seiz- ndei, cungfaen fatok gij gingniemh fungfouq Namzningz Si laebdaeb 4 bi camgya hong sawqdiemj Vahcuengh Sawcuengh suijbingz gaujsi aeundaej haenx, youq seiz guhhong gaujsi cangzdaiva guh ok gungyen moq. Sam dwg aeu gij gveihcangh cwngfuj okdaiz haenx——《Namzningz Si Sawcuengh Ndawbiengz Sawjyungh Guenjleix Banhfap》 guh giekdaej, caenh’itbouh doidoengh Namzningz Si minzcuz vah saw laebfap cincwngz.

Vangz Cenzcungh、 Yangz Yigez doiq baenzlawz guh ndei hong vah saw minzcuz Namzningz Si faenbied daezok le genyi. Swcigih Minzyijveij gak lingjdauj camgay hai hoih haenx cungj naeuz, yaek youq ndaw gvaengxlaengx cizgenz haenqrengz haeujcoengh Namzningz Si hong vah saw minzcuz.

(Moz Hungz/莫 宏)