Dinsang 9 youq ndaw ban dwg boux ceiq sang, baeznaengz guh caujcauh de cungj ndwn youq ceiq baihlaeng, hoeng Lwggwz lauxsae ngoenzneix gietdingh mbouj hawj de gvex daengz baihlaeng bae lo, mienx ndaej de baez byaij, bouxwnq youh swnhgei riu hwnjdaeuj, couh hawj de gag ndwn youq baihnaj guh caujcauh. Baenzneix, Dinsang 9 ngamj caeuq Dindaemq 6 ndwn youq baiznduj boux ceiq baihswix haenx doxdep. Raen Dinsang 9 youh mbouj ciuqseiz daengz hagdangz, ndawsim Dindaemq 6 laeglemx daekeiq, aen sim baez angq, aen bak couh mbe hai lo.

Song ngoenz neix Dinsang 9 aenvih din in, byaij mbouj vaiq, hoeng de byaij caiq menh lijdwg beij Dindaemq 6 vaiq di he. Mboujguenj Dindaemq 6 byaij baenzlawz vaiq, lijdwg beij Dinsang 9 menh haj roek yamq. Ngamq hainduj Dindaemq 6 doeknaiq di he, hoeng yaep he de couh angqyangz lo, aenvih byaij youq baihlaeng, Dindaemq 6 couh ndaej caij dawz duzngaeuz Dinsang 9 deng daengngoenz ingj daengz gwnz roenboengz haenx. Dindaemq 6 caij dwk caij dwk, caij aen gyaeuj duzngaeuz, caij gwnz mbaq duzngaeuz, caij fwngzswix lijmiz fwngzgvaz duzngaeuz, lij caij baihlaeng duzngaeuz dem. Gyoengqvunz gwnz roen byaij bae byaij dauq haenx cungj nyaenx mbouj ndaej lai yawj Dindaemq 6 geij baez. Mbangj lwgnyez lij yax daehsaw youq baihlaeng doq diuq doq riu hemqcaca. Mbouj geijlai nanz Dinsang 9 couh rox duzngaeuz de ngaiz vunzlai caij lo.

Dinsang 9 hawj Dindaemq 6 byaij gonq. Vuenh baenz Dinsang 9 caij duzngaeuz Dindaemq 6. Dindaemq 6 youh mbouj byaij lo, hawj Dinsang 9 byaij baihnaj. Gvaqlaeng bouxlawz cungj mbouj haengj byaij baihnaj, song boux soh ndwn youq gizhaenx byawz cungj mbouj haengj byaij saek yamq. Ngamq haidaeuz mizmbangj lwgnyez louz roengzdaeuj yawj nauhyied, hoeng yawj yaep he cungj byaij liux. Aenvih songde caenh dwg mbouj ae mbouj o ndwn youq gizhaenx, mbouj doxndaq hix mbouj doxmoeb, mbouj dawzyinx saek di.

Songde couh yienghneix doxyawj daengz daengngoenz roengz bya cij dauqranz.

Dinsang 9 aenvih din deng sieng, dauqma haemh lai mbouj ngaiz ndaq, dauqfanj ndaej vunzranz gvansim. Dindaemq 6 cix mbouj baenz mingh ndei, vunzranz laihnaeuz de damq guhcaemz cij dauqranz baenz haemh, geij boux vunzhung doxlwnz ndaq de.

Dinsang 9 din ndei le bae hag youh ndaej byaijfoedfoed. Seiz mbouj seiz ngaiz vut youq baihlaeng, Dindaemq 6 ngoenznaengz cungj maqmuengh Dinsang 9 caiq gvez mbat dem, baenzneix de couh ndaej caij duzngaeuz de lo.

Dinsang 9 nyinhnaeuz haihag mbouj geijlai nanz swhgeij couh bungz baenzlai saeh yak, dauqfanj Dindaemq 6 gijmaz saeh cungj mboujmiz, ndawsim de hix maqmuengh de boihseiz baez he. Diuzroen gyoengqde bae hag haenx vangz miz diuz mieng he, gyoengqvunz youq gwnz mieng gaq gep benj he guh giuz, hawj bouxvunz din dinj lijmiz lwgnyez caeuq mbangj doihduz gvaq.

Hoeng gep benj haenx ngaiz boux gwn laeujfiz he aemq daengz baihlaj gofaex dangq mbonq ninz lo, ndigah diuz mieng haenx camhseiz mboujmiz giuz. Gij vunz din raez lumj Dinsang 9 nei baez yet couh gvaq ndaej bae, Dindaemq 6 couh gvaq mbouj ndaej. Dindaemq 6 siengj heuh bouxfiz haenx ndiu le dawz benj gaq dauqbae, hoeng youh dwglau mbouj gamj heuh， caenhndei da yawj Dinsang 9 yied byaij yied gyae. Dindaemq 6 caenhndei heux roen bae hag, de heux gvaq Mbanjnazlungz, hamj gvaq Dahduzgvi, byaij gvaq doulaeng singzmoq, caiq byaij gvaq roennyaeq henzdah, gvaq henznden aen muh hung he, caiq daj doulaeng hagdangz haeujbae. De heux baenzlai roen, sai haujlai seizgan, ceiq dwglau dwg mwh gvaq Mbanjnazlungz miz haujlai duzma raeuq de gyaep de, aenmbei cungj yaek dek liux. Dindaemq 6 byaij haeuj ndaw hag, diem gaemz heiq raezrangh he, aen sim cij dinghswd.

“Mwngz guhmaz bae la? Yaek cuengqhag cij daeuj?”Lwggwz lauxsae baez hat, aen sim Dindaemq 6 youhcaiq ngaiz haep dwk diuqbubbub.

Dindaemq 6 utheiq dwk lwnh hawj Lwggwz lauxsae vihmaz daeuj baenz laeng, de daejnganga lwnh mwh byaij gvaq aen mbanj haenx baenzlawz ngaiz duzma gyaep. Doeklaeng raemxda de dawz aen sim Lwggwz lauxsae cungj cim unq liux, nyinhnaeuz de baenz yungjyiemj cij daengz hag gig mbouj yungzheih. Lwggwz lauxsae mboujdanh mbouj fad de, lij youq ndaw ban haenh gij cingsaenz de, heuh daihgya hagsib de dem.

Dindaemq 6 mbouj ngaiz gvaiq cix ndaej haenh, simfaengz raixcaix. Dinsang 9 mbouj fugheiq, nyinhnaeuz de lae raemxda lauxsae cij doengzcingz de. Vihneix, fajnaj Dinsang 9 saep lumj gve’ndiq raez nei. Lwggwz lauxsae raen songde boux he simfaengz boux he simnyap，sawqmwh guh aen gietdingh he: Gwnz ban ngoeznnaengz banhaet dangzdoegcaeux saedhengz “sing gou ceiq hung” dazyinx doeg, baenz congz baenz congz doxlwnh doeg roengzbae. Hix couh dwg gangj, song boux vunz caemh congz haenx aeu doxgap ndei, doxyaeng doengzcaez doeg bien govwnz lawz. (4)

高脚9是最高的，他做早操的位置是在全班最后边，但是茄子老师决定不让他再拐着脚走到队伍后面去了，以免他一走动，别人又趁机笑起来，就让他站在前排最外边单成一列做早操。如此，高脚9就恰好与最前排左边上的矮脚6并排着。看到高脚9又迟到，矮脚6心里暗暗高兴，高兴着高兴着，嘴就咧开来了。

这两天高脚9因为脚痛，走得慢了，但他走得再慢也还是比矮脚6快一点。无论矮脚6如何加快脚步，总还是落后他五步到六步的距离。刚开始矮脚6有些不高兴，但很快他就高兴起来了，因为他走在高脚9后面可以踩到高脚9被阳光投落到泥巴路上的影子。矮脚6踩呀踩呀，踩踩影子的头，踩踩影子的肩，踩踩影子的左手还有右手，还踩踩影子的背。路上来往的人都忍不住多看矮脚6几眼。有些顽皮的孩子挥动着书包在旁边跳着叫着起哄。高脚9很快就知道他的影子被踩了。

高脚9让矮脚6先走。换成高脚9踩矮脚6的影子。矮脚6又不走了，让高脚9走前边。后来谁都不肯走前边，互相对峙着耗时间和拼忍耐力。刚开始有些孩子留下来看热闹，可是看着看着就都走了。因为他们俩就只是不声不响地站着而已，不吵架也不打架，实在无趣。

他们俩就这样一直对看到夕阳下山了才回家。

高脚9因为脚受伤，晚回家没有挨骂，反而得到全家人的关照。矮脚6就没有那么好运了，被家里人怀疑贪玩迟回，几个大人依次排队把他责骂一顿。

高脚9的脚伤好了以后又恢复了以往走路的速度。经常被他抛在后头的矮脚6只能期待他的脚再崴一次，好再有机会踩踩他的影子。

高脚9觉得开学没多久自己就连连遭遇太多倒霉的事，反而矮脚6好像没什么事，心里有点希望他也能倒霉一下。

他们上学的路上要经过双夹木树下边的一道沟渠，人们在沟渠上架有一块木板当桥，那桥主要是给腿短的大人还有小孩子和一些家畜过的。

可是那块木板被一个喝醉了酒的人抱到树下当床板睡觉了，所以这道沟渠暂时没有了桥。像高脚9那么长的腿的人过这里很轻松，却难倒了矮脚6。矮脚6想叫醒那个醉酒的人赶紧把木板放回去，可又害怕得不敢靠近，他只能眼巴巴地看着高脚9轻松快乐地走远。矮脚6只能绕道龙田村，穿过村子，跨过乌龟河堤，走过新城的后门，再走河边的小路，从一个巨大的废弃的水磨房边过，然后再从学校的后门入校园。他这样绕了很远的路，费了很多时间，最可怕的是从人家村子走过时面对那么多狗的围观和跟踪，实在是怕得胆子都快破了。矮脚6走进校园，长长地吐了一口气，这下才放心。

“你在做什么?快放学了才来?”茄子老师的一声喝问把矮脚6刚刚放下的心又吓得提起来。

矮脚6委屈地跟茄子老师哭诉迟到的原因，还哭诉他从别的村子穿过时所受的惊吓。最后他的眼泪把茄子老师的心泡软了，觉得他上学经历了那么多艰难险阻实在不容易。茄子老师非但不罚他，还在班上表扬他上学的精神，值得大家学习。

矮脚6因祸得福，开心得脸上笑成一朵花。高脚9不服，觉得他是用眼泪博到的同情而已。由此，高脚9郁闷得脸扭成一条长苦瓜。这两张反差极大的脸要让茄子老师无视实在太难。不过，也正是茄子老师看到了这两张反差强烈的脸以后才突然间做出一个决定：班上每天早上早读课实行“我最响亮”引读，按桌排队轮流读下去。也就是说，同桌的两个人要配合好，互相商量一起读哪篇课文。

（4）