2 nyied 24 hauh banhaet, bi 2016 daengx gih Minzveij (Cunghgyau)、 Minzyijveij hidungj aen hoihsibinz hong guh dangjfungh lenzcwng ciuhai. Aen hoih cujyau yinvu dwg haeujlaeg hagsib gvancez Siz Ginbingz cungjsuhgi youqgaenj gangjvah caeuq Cibbet Gaiq Cungh- yangh Gijveij Roekbaez Cienzhoih、 Cib Gaiq Swcigih Gijveij Caetbaez Cienzhoih cingsaenz, dauqyawj cungjgez bi 2015 dangjfungh lenz- cwng hwnjguh caeuq hong fanj nduknaeuh, yenzgiu anbaiz gij hong bi 2016, cienzmienh lozsiz daj yiemz ceih dangj、 dangjfungh lenzcwng hwnjguh caeuq hong fanj nduk- naeuh.

Swcigih Minzveij(Cunghgyau)、Minzyijveij dangjcuj suhgi、cujyin Luz Yenbenj youq gwnz hoih guh gangjvah youqgaenj. De giengzdiuh naeuz gak gaep dangjcujciz caeuq dangjyenz lingjdauj ganbu itdingh aeu cawjdoengh hab’wngq yiengh moq yiemzyiemz ceih dangj, ciuq yauhgiuz bae guh cienhangh genjcaz, cazra gij riz vwndiz, cazbanh anqgienh veizfaz, caensaed gaijgez gij vwndiz doedok fatseng youq henz ndang vunzlai saujsu minzcuz haenx.

Swcigih Minzveij dangjcuj cwngzyenz、baijyouq Swcigih Minz- veij Gijgenjcuj cujcangj Banh Meijyez youq gwnz hoih guh le aen baugau hong gijgenj genhcaz.

Gwnz hoih, Luz Yenbenj lij faenbied caeuq Swcigih Minzveij (Cunghgyau)、 Minzyijveij mizgven cusiz nem cizsuz danhvei、si minzveij (minzcunghveij) 8 boux daibyauj ciemdingh le dangjfungh lenzcwng hwnjguh cwzyinsuh.

Aen hoihsibinz cawjhoihciengz laeb youq Swcigih Minzveij, gak si minzveij (minzcunghgiz)、 Guengjsae Minzcuz Cunghconh、 Guengjsae Minzcuz Cuzbanjse、 Guengjsae Minzveij Minzyenzsiz laeb faenhoih- ciengz. Gyoengq lingjdauj cwngzyenz Swcigih Minzveij(Cunghgyau)、 Minz- yijveij boux lingjdauj youq ranz, song veij gihgvanh nem cizsuz danhvei daengxcungq ganbu cizgungh, Namz- ningz Si Minzveij、 Minzyijveij, Ginhcouh Si Minzveij、 Minzyijveij cujyau bouxfucwz youq cawjhoih- ciengz camgya hai hoih.

(Liengz Cingz/梁 晴)