2 nyied 15 daengz 16 hauh, Swcigih Minzveij (Cunghgyaugiz)、 Minzyijveij hai 2016 nienz hoihyaeng guhhong, faensik yenzgiu “cibsam haj” seizgeiz nem 2016 nienz hong minzcuz、 cunghgyau、 vah saw minzcuz bungzdaengz hingzseiq yinvu, naemjngeix maeuzsuenq ciengzdai moq baenzlawz doicaenh gak hangh hong, ra cinj gaemmaenh hong minzcuz、 cunghgyau、 vah saw minzcuz cungdenj caeuq diemjrongh, cam aeu yigen ndei, comzgiet dox rox, dungjyiz siengjnaemj, cingcinj okrengz, vih “cibsam haj” seizgeiz nem hong 2016 nienz hainduj ndeindeq, anbaiz ndei.

Hoihyaeng youz Swcigih Minz- veij、 Minzyijveij dangjcuj suhgi、 cujyin Luz Yenbenj cujciz. Swcigih Minzveij(Cunghgyaugiz)、 Minzyijveij lingjdauj cwngzyenz、 gihgvanh gak cusiz cwng、 fucucangj(cujyin), cizsuz gak danhvei lingjdauj banhswj cwngzyenz nem Swcigih Minzveij (Cunghgyaugiz) daengxcungq ganbu camgya hai hoih.

Luz Yenbenj lwnh le gij cingsaenz gangjvah Swcigih Cwngfuj fucujsiz Vangz Siyungj 2 nyied 14 hauh banhaet youq Minzveij (Cunghgyaugiz)、 Minzyijveij diuyenz hoihnaenghdamz gangj haenx. De aeu gij gangjvah Vangz Siyungj gyaeb- gyonj baenz “gouj miz”. De naeuz Vangz Siyungj fucujsiz doiq gij hong Minzveij(Cunghgyaugiz)、 Minzyijveij bi’gvaq guh baenz haenx hawj le cungfaen haengjdingh, haenh gij hong sam aen bumwnz bi’gvaq guh baenz haenx miz cauxmoq、 miz diemjrongh、 miz gungyen hungloet, ceijok dangq- naj hong minzcuz、 vah saw minzcuz、 cunghgyau miz seizgei、 miz deuq- nyex、 miz yienghsiengq baihnaj ronghsag, gujli daihgya doiq gij hong bi moq aeu miz saenqsim、 miz banhfap、 aeu guh ndaej baenz. De ceijok bineix dwg “cibsam haj” hainduj bi daih’it, sam aen bumwnz hai hoihyaeng gig saedsaeh gig guhsaed, daihgya nyinhcaen gangj- vah, nyinhcaen gaemmeg “cibsam haj” seizgeiz nem 2016 nienz hong minzcuz、 cunghgyau、 vah saw minzcuz, neix yaek doiq “cibsam haj” hong minzcuz、 cunghgyau、 vah saw minzcuz miz doidoengh cozyung gig ndei. De iugouz gak danhvei ciuq “sam dingh fueng’anq”, giethab saedsaeh guhhong diuzgen, caebcomz daengx rengz, mizyauq bae guh faenh hong bonjfaenh, youq guh ndei gak hangh hong giekdaej baihgwnz, haenqrengz gungganq daengx guek、 daengx gih diemjrongh. Aeu ciuq 2016 nienz cujyau guhhong hangh- moeg gaenq roxdingh haenx, gibseiz yenzgiu hengzguh fueng’anq, aeu gak hangh guhhong gaem caeux guh ndei.

Hai hoih seiz, gihgvanh gak cusiz、 cizsuz gak danhvei cujyau bouxfucwz hopheux baenzlawz hagsib gvancez ndei gij cingsaenz gangjvah Vangz Siyungj 2 nyied 14 hauh banhaet youq Minzveij (Cungh- gyaugiz)、 Minzyijveij diuyenz hoih- naenghdamz gangj haenx, guh ndei bonj danhvei(cusiz) “cibsam haj” nem 2016 nienz cujyau guhhong faenbied guh doxgyau gangjvah, doiq baenzlawz guh ndei hong minzcuz、vah saw minzcuz daezok le yigen caeuq genyi. Veij lingjdauj cwngzyenz giethab hong faenguenj cug’aen guh le dapwngq、 diemjbingz. Caemhcaiq daezok yigen caeuq iugouz guh ndei gak hangh hong.

(Cangh Bizfeih/张碧非 Moz Hungz/莫 宏)