2 nyied 20 hauh, Sanhgyangh Dungcuz Swciyen Laujbauj Yangh Laujbah Cunh banh ndwencieng cibsam cozdungj ciet hoihbo moix bi gvaq baez haenx, geij fanh boux gak cuz vunzlai daj Guengjsae、 Huznanz、 Gveicouh gak dieg daeuj haenx doxcomz youq giz haenx, aeu aenvenz caijdangz、 roegdoxdoj、 yezyej daengj hozdung lai cungj lai yiengh angqhoh cieng cibngux, gouz bi moq rumz dingh fwn yinz、 haeuxgwn fungsou. Laujbah hoihbo youq Cinghcauz Gyahging nienzgan hainduj, daengz seizneix gaenq miz 200 lai bi lizsij, caemhcaiq youq bi 2015 ndaej liedhaeuj Guengjsae gihgaep “feihyiz” mingzloeg.

(Vuz Lenyinh/吴练勋 Gungh Buj- gangh/龚普康)