Dindaemq 6 ndaenggon dwk demq Dinsang 9 baez he, daekeiq dwk mbeuj bak riufwngfwng. Dinsang 9 yienzbonj dwg doeksaet seizneix bienq yiemzndaenq de liux.

Daj seizhaenx le, song boux hainduj doxbeij doxndaenq lo.

Dindaemq 6 caenhmiz banhaet cijndaej beij Dinsang 9 daengz hagdangz gonq saek baez. Hoeng Dinsang 9 buenq baez cungj mbouj haengj nyiengh de. Ngoenzlaeng banhaet, Dinsang 9 hwnq ndaej gig caeux, de byaij daengz buenq loh le bungz Dindaemq 6. Mwh byaij gvaq henzndang Dindaemq 6, Dinsang 9 daegdaengq ngiengx gyaeuj, daj ndaw ndaeng fatok sing “hw” he le cij daih yamq hamj gvaqbae, vut Dindaemq 6 gag youq baihlaeng heiqndat foedfoed.

Haemh haenx, Dindaemq 6 caeuxcaeux couh ninz lo, ngoenzlaeng gaeq haen sam baez le couh caeuxcaeux hwnjmbonq yaek bae hag. Daxboh byaij daengz bakdou yawjyawj gwnzmbwn naeuz:“Baenz caeux couh bae hag la?”Dindaemq 6 haengjdingh naeuz:“Caeux di ok dou Dinsang 9 cij ganj mbouj hwnj gou.”Daxbuz nienzgeij gvaq caetcib bi haenx hix insik dwk naeuz:“Doegsaw sinhoj lai lo, lumj duzgaeq nei hwnq baenz caeux.”Duz gaeqboux caeux couh diuq daengz gwnz ciengz haen haenx mbouj fugheiq dwk iet hoz haen’oo.

Daxboh Dindaemq 6 byaij daengz bakdou, gvengq sauqbaet gvaqbae, ndaq naeuz:“Mwngz ngoenz he yaek haen geijlai baez? Ngoenzlwenz gwn imq lai dwg lwi?”Duzma ndaw hongh hix swnh seizneix coemj hwnjbae haeb duzgaeq, ndaw hongh sikhaek gaeq mbin ma diuq. Aen haetromh neix nauhyied raixcaix.

Banhaet ngoenz haenx, Dindaemq 6 beij Dinsang 9 daengz hagdangz gonq. Dinsang 9 mbouj fugheiq, naemjgeiq banhaet ngoenzcog beij Dindaemq caeux.

Haemh neix, Dinsang 9 hix caeuxcaeux couh ninz lo, ngoenzlaeng banhaet caeuxcaeux hwnjmbonq. Baihrog lij mumjgyumq, loh lijcaengz yawj ndaej raen geijlai, vunzranz heuh de caj yaep he caiq ok dou, hoeng de mbouj haengj. Aenvih haetromh lai, benq faex gwnz bosaiz lij laepcupcup, Dinsang 9 youh mbouj rox rumzhung haemhlwenz ci goenq geij nye faex, venj youq henzloh daemqdedded. De byaij gvaq gizhaenx mbouj siujsim ngaiz nyefaex ngaeu dawz byoemgyaeuj caeuq buhdaenj. De vunz sang lai, daengx aen gyaeuj cungj ndonj haeuj ndaw mbawfaex bae liux, duznyungz ndoj youq ndaw mbawfaex haenx angqyangz lai lo, sikhaek coemj daengz gwnz naj de bae gwn haeuxcaeux. Dinsang 9 youh vueng youq gip, nyoengx gvaq baihgvaz youh ndoj gvaq baihswix, hoeng nyefaex dauqfanj heux gij byoemgyaeuj de engq gaenjmaed. Mboujmiz banhfap, de cijndei iet fajfwngz byomraez de haeuj ndaw mbawfaex bae menhmenh gej gij byoemgyaeuj ngaiz nyefaex geuj dawz haenx.

Dindaemq 6 byaij daengz gwnz bosaiz, doeksaet dwk yawj Dinsang 9, yienzhaeuh couh swnh seizndei neix buet gvaqbae. Daengz dangzdoeghaet le Dinsang 9 cij naiqnueknuek byaij haeuj gyausiz. Lwggwz lauxsae mbouj saenq de ngaiz nyefaex gaz cij daengz baenz haemh, gangj danghnaeuz miz boux doengzhag he cwngmingz de gangj vahcaen couh mbouj fad de sauq deih. Dinsang 9 roxyiuj Dindaemq 6 yawjraen lo, hoeng de duenqdingh Dindaemq 6 mbouj bang de, ndigah Dinsang 9 ngaiz lauxsae geiq baenz daengzlaeng, ngoenzhaenx cuengq hagringz le ngaiz fad sauq deih. Dindaemq 6 angqvauvau, cuengqhag le doq byaij doq yawj dingj mbouj ndaej riuhaha.

Banhaet ngoenzlaeng, Dinsang 9 laebdaeb caeuxcaeux couh hwnq, mbwn caengz rongh ndei couh bae hag. Mwh youhcaiq byaij gvaq benq ndoengfaex haenx, Dinsang 9 couh van hwet ngaem gyaeuj ndonj gvaqbae. Baezneix byoemgyaeuj mbouj ngaiz nyefaex ngaeu dawz, dauqfanj dwg aen gyaeuj congh daengz goenqfaex bae, in dwk lwgda cungj va liux. Dinsang 9 goemq najbyat, menhmenh byaij, doeklaeng roengz haenznaz mbouj sijsaeq yawj, mbiengj ga he caij roengz ndaw mieng bae, angjdin baez gyad, de in dwk hemq “aeyo”. Camhseiz byaij mbouj ndaej loh, Dinsang 9 caenhndei naengh gwnz haenznaz nyouj din. Yietnaiq yaep he le, Dinsang 9 cij baez gvez baez yamq bae bongj aen dou canghyw aeu di laeujyw he daeuj cat.

Dinsang 9 gvez daengz hagdangz, gaenq daengz seizgan guh caujcauh lo. Raen de galet baenzneix, gyoengq hagseng guh caujcauh haenx cungj doeksaetyat, gaendwk cungj riu lo. Gij yiengjsiengq Dinsang 9 byaij loh mbouj lumj bouxwnq, gij byoemgyaeuj gwnz gyaeujnyaeq de lumj gij nywj maj youq gwnz ciengz nei deng rumz ci bibi buengqbuengq, lumjbaenz yaek ngaiz rumz ci mbin nei, miz vunz yousim de, miz vunz caj yawj yiednauh. Lwggwz lauxsae caeuq geij boux lauxsae wnq yiemzlaeh dwk liuq gyoengq hagseng le, gyoengqde cij camswdswd mbouj oksing.

(3)

矮脚6也像高脚9那样傲慢地扫了他一眼，得意地把嘴角往上挑一挑，歪笑起来。高脚9把脸上的表情从吃惊转换成厌恶。

从此两人的暗斗加剧，恩怨加深。

矮脚6能比高脚9早到学校的机会也只能是早上。但高脚9却连这样的机会都不想让给他。第二天早早的，高脚9也起来了，他走了一半路以后见到了矮脚6。高脚9从矮脚6身边走过时，故意仰着头，从鼻孔里发出一声轻蔑的“哼”，扬长而去，很快就把矮脚6抛在后头生闷气。

这天夜里，矮脚6早早睡觉，次日早早起床，几乎是在鸡叫三遍以后就起来准备上学。阿大走到门口看看天色说：“太早了吧?”矮脚6果断地说：“这么早才不让高脚9快过我。”年过七十的老阿嬷咂着瘪瘪的嘴巴痛惜地说：“这书读得真辛苦，要起得像鸡一样早。”早已站在墙头上啼叫的公鸡不服气地伸长脖子叫了几声。

矮脚6他阿大走到门口，一挥手把扫把扔过去，骂道：“你一天要叫几遍?昨天吃得太饱了有力是不是?”院子里的狗也趁势扑上去咬鸡，顿时满院子鸡飞狗跳。这是一个热闹的早晨。

这天早上，矮脚6比高脚9早到学校。高脚9不服，要在下一个早上比矮脚6早。

这天夜里，高脚9也早早就睡觉了，次日早早起来。天色还很暗沉，路都看不太清楚，家里叫他等等再走，可他执意要，早走。由于天色太早，沙坡地上的那一片树林显得有些暗，高脚9又不知道昨夜风大把几棵树的一些树枝吹断，低低地悬挂着。他走进林间道上就不小心让悬挂的树枝钩住了头发和衣服。他人太高了，整个脑袋都隐没在枝叶间，隐在树叶中的蚊子们开心得不得了，疯狂地朝他进攻，享用丰盛的早点。高脚9又慌又急，在慌乱和紧张中反而让树枝把头发缠得更紧。他只好把长长的瘦手伸到蚊子纷飞的枝叶中慢慢地慢慢地解开纠结的头发。

矮脚6从沙坡地上经过，吃惊地看看高脚9，然后就趁这个机会快步走快步走。一直到上早读课时高脚9才耷拉着脑袋来了。茄子老师狠狠盯着迟到的他，对于他的解释半信半疑，说如果他能找个证人证明所说属实就不记过，不罚扫地。高脚9知道矮脚6看到的，可他断定矮脚6不会出来作证的，所以高脚9就被记了迟到，这天放学后被罚跟值日生一起扫地。矮脚6高兴极了，放学后边走边忍不住笑起来。

第二天早上，高脚9继续早起，在灰暗暗的晨雾中上学。再从沙坡地那片树林过时，高脚9就弯着腰低头走。这次头发没被树枝钩住，但脑袋却撞在一棵树上，疼得眼冒金星。高脚9捂着头，慢慢走，结果走到沙坡路下的田沟时没看清楚路，一脚踏空踩入沟中，脚踝崴了一下，扭着了，疼得“哎哟”一声大喊。暂时走不了啦，高脚9只好坐在田埂上揉脚。休息了好一会后，高脚9才一拐一拐地慢慢走到它铺去拍新生诊所的门，跟他要点跌打药酒擦拍擦拍。

高脚9一拐一拐地走到学校时，正好是做早操的时间。在做早操的学生都吃惊地看着拐脚的他，然后都笑起来。高脚9拐着走路的样子特别怪异，小头上的那点头发很像长在高墙头上的草垛被风吹得一晃一荡，似乎随时都有被吹脱的危险，有些人为他担心，有些人等着看好戏。茄子老师和另外几位老师一起用严厉的眼神朝学生们扫去。那杀伤力极强的如刀光般的眼神来回扫荡几遍后，全场鸦雀无声。

（3）