Dinsang 9 sam yamq haj yamq couh hamj gvaq Dindaemq 6, gig vaiq couh vut de youq baihlaeng gyaerangrang.

Dindaemq 6 maqmuengh Dinsang 9 ngoenz- naengz cungj saeg bakdou, hoeng Dinsang 9 cix geiq ndaej, banringz cuengqhag mwh ok dou gyausiz de cungj geiq ndaej van hwet di he, onjdangq okbae. Mboujgvaq, ndaej ndoj gvaq mbouj saeg bakdou Dinsang 9 youh bungz daengz gij nanh wnq. De ok gyausiz cingq nyangz gyoengq doengzhag cungj ok gyausiz, daihgya cungj lumj duzmax mbouj cug cag nei cung ok gyausiz doeng cuenq sae buet. Dinsang 9 yienznaeuz sang, hoeng de byom, ngaiz vunz bungq couh dingj mbouj ndaej, aen hwet byom de ngaiz song boux vunz daj song mbiengj bungq baez he, ga gvaz byom de ngaiz sam vunz doxlienz bungq geij baez, ga swix byom de youhcaiq ngaiz geij boux vunz doxlienz bungq geij baez, hwetlaeng byom de youhcaiq ngaiz geij boux vunz bungq geij baez……

De ngaiz bungq gvaq baihgvaz youh cengj gvaq baihswix, siengj ndoj cungj ndoj mbouj ndaej. Gaendwk, bang lwgnyez it nienzgaep youh hemqcaca cung gvaqdaeuj lo, gyoengqde dingzlai vunz caenh sang daengz gabiz Dinsang 9, ndigah baenz bang vunz cungj daj dangzvaq Dinsang 9 ndonj gvaqbae. Dinsang 9 simvueng dwk daix diuz ga he hwnjdaeuj, siengj ndoj gyoengqde. Dinsang 9 caenh yungh diuz ga byom he dingj daengx aen ndang, doeklaeng ngaiz gyoengqvunz coemj laemx lo. Aen conghhoz byombyom raezraez de naenx dawz boux vunz he, aen hwet byombyom raezraez de naenx dawz sam boux vunz, diuzga byombyom raezraez de naenx dawz haj boux vunz, fwngzgvaz byombyom raezraez de naenx dawz song boux vunz， fwngzswix byombyom raezraez de naenx dawz le sam boux vunz. Gyoengq lwgnyez it nienzgaep, bingseiz raen gyoengqde cunghumhum laihnaeuz gyoengqde cungj maenh’ak raixcaix, seizneix ngamq ngaiz Dinsang 9 naenx mbat he sikhaek cungj daejnganga hwnjdaeuj. Gizsaed baenzneix naenx mbouj in law. Gyoengqvunz cungj hemqcaca, luenhyauyau. Caek- laiq lauxsae ganj gvaqdaeuj ndaej vaiq, gyoengq hagseng cij mbouj luenh buet, aen ndang Dinsang 9 raezrangrang haenx cij mbouj ngaiz vunz caij. Aen ndang de raez gvaqbouh lai, geij boux vunz doengzcaez rex de cijbaenz.

Gyoengqvunz rex Dinsang 9 ndwn ndei seiz, cingq yawjraen Dindaemq 6 daj gwnz ga Dinsang 9 yet gvaqbae. Songde doxyomh baez he sikhaek youh yawj gvaq gizwnq, lumjbaenz mbouj doxraen gvaq nei.

Dindaemq 6 youh beij Dinsang 9 byaij gonq, caenhdwg Dinsang 9 gig vaiq ganj hwnj de, youhcaiq mauhgvaq de.

Banhaemh cuengqhag, Dinsang 9 mboujcaiq boux nduj cung ok gyausiz lo, de caj bouxwnq ca mbouj geijlai cungj ok gyausiz le cij byaij ok douhag. Lwggwz lauxsae gangj ndaej miz dauhleix, din de baenz raez, byaij ndaej vaiq, hawj bouxwnq byaij yaep he caiq byaij hix ndaej.

Dindaemq 6 byaij gaxgonq, de doq byaij doq ngeux gyaeuj yawj, mbouj raen Dinsang 9, ndawsim angqfwtfwt. Dindaemq 6 caiq byaij yaep he, ngeux gyaeuj caiq yawj, lijdwg mbouj raen Dinsang 9, ndawsim engq angqvauvau lo. Mwh Dindaemq 6 byaij daengz benq faexmakleix henz mbanj, nyeux gyaeuj baez yawj, Dinsang 9 sang lumj duzhag byom haenx gaenq daengz baihlaeng lo. Gig vaiq, Dinsang 9 youh hamj gvaq de.

Dindaemq 6 baeznaengz cungj ngaiz Dinsang 9 yungzheih mauhgvaq, ndawsim mbouj fug geijlai. De ceiq mbouj fug dwg, baeznaengz Dinsang 9 mauhgvaq de cungj dwg ngeux gyaeuj riunyum, lumjbaenz gig daekeiq roxnaeuz yiemz Dindaemq 6 nei.

Dindaemq 6 laeglemx roengz gietsim mbouj hawj Dinsang 9 baenz daekeiq. Hoeng gig nanz bw, Dinsang 9 din raez byaij ndaej vaiq gaij mbouj ndaej, danghnaeuz de baenz bingh roxnaeuz gwnz din hwnj nyanvaiz cij byaij mbouj vaiq, hoeng, nanz caj daengz seizndei yienghneix! Dindaemq 6 yied naemj yied nyapnyuk.

Dindaemq 6 nyapnyuk geij ngoenz le sawqmwh siengj daengz banhfap ndei, banhaet de hwnq ndaej gig caeux, beij bingzciengz daezgonq diemj cung he bae hag.

Mbwn ngamq buemxsuemj Dindaemq 6 couh aemq daehsaw ok dou lo. Goenggeq hwnq caeux daengz henz daemz conj bwnhvaiz haenx yungh ronghda soengq Dindaemq 6 ok mbanj, aen bak ngamq lw sam diuz heuj haenx riu dwk cungj mbe daengz goek rwz. De raen bouxlan baenz gaenx hwnjhag, aen sim angq raixcaix.

Mwh gij gaeq daengx mbanj ca mbouj geijlai cungj daengz gwnz bosaiz ra doxgaiq gwn seiz, raen Dinsang 9 aemq daehsaw ok mbanj lo. De byaij daengz laj gofaex makleix seiz cungj sibgvenq yawj baih Mbanjraemxbuenqrap baez he, mbouj raen Dindaemq 6, mbe bak riuriu. Byaij daengz gwnz bosaiz, lijcaengz raen Dindaemq 6, youh mbe bak riuriu. Ngoenznaengz de baez ok mbanj couh raen Dindaemq 6 byaij daengz gwnz giuz roxnaeuz daengz gwnz bosaiz lo. Ngoenzneix mbouj raen de, Dinsang 9 youh sim’angq youh siengj mbouj ok dwg vih gijmaz.

Dinsang 9 byaij daengz hagdangz, raen Dindaemq 6 gaenq naengh youq gwnz daiz bingh- banghgiuz ndaw cauhcangz yawj saw lo, doeksaet dwk aj bak ngabngab. (2)

高脚9三步五步就越过矮脚6，很快就把他远远地抛在后面。

矮脚6希望高脚9不停地撞门，高脚9却长记性了，放半昼学时他出教室门时记得稍稍地欠欠腰，安全出去。不过，避开了撞门的高脚9却又不小心遇到了另一场灾难。他出来的时候正好遇到放学高峰，各班的学生像野马一样从教室冲出来横冲直撞。高脚9虽然高，但他瘦，经不起那些冒失鬼冲撞，他的瘦腰被两个人分别从两边各撞了一下，他的瘦左腿被三个人连撞几下，他的瘦右腿再被几个人连撞几下，他的瘦后背又再被别人撞了几下……

他被撞得偏来偏去，想躲闪却躲不开闪不了。接着，一帮一年级的小家伙又叫嚷着冲过来了，他们大部分只到高脚9大腿的高度，所以就成群地从他腿中间冲过去。高脚9慌乱地抬起一条腿，想闪开他们。只用一条瘦腿支撑着高高身体的高脚9再被人撞了一下后就扑倒在地上。他那瘦瘦长长的脖子压了一个人，瘦瘦长长腰压了三个人，瘦瘦长长腿压了五个人，瘦瘦长长的左手压了两个人，瘦瘦长长的右手压了三个人。那些一年级的小屁虫们，别看见他们刚才狂奔时候张狂的样子就以为他们勇敢，现在才被瘦瘦的高脚9压一下就嚎叫起来。其实那哪可能压得痛他们?在场的人都尖叫起来，乱成一团。幸好有老师赶来把人群清散，高脚9那可怜的瘦瘦长长的身子才没有被人踩。他太长了，好几个人一起来扶他。

高脚9被人扶着坐直了腰时，正好看到矮脚6轻松地从高脚9的腿上跨过去。他们的目光碰撞了一下又迅速分开，假装没看到。

矮脚6又比高脚9先走，只是很快地高脚9又赶上他，轻轻松松地超越了他。

到放哈昼(傍晚)学的时候，高脚9不再最先冲出教室，而是等着，让别人都走得差不多了再离开学校。茄子老师讲得有道理，他的脚那么长，走得快，让别人先走一阵子再走也不迟。

矮脚6先走，他边走边回头看，没见高脚9出现，心中暗暗高兴。矮脚6再走了一阵，回头看看，还是没见高脚9，心中更高兴。当矮脚6快回到村边的那片李子树时，回头一看，像瘦鹤一样高的高脚9已经在身后头了。很快，高脚9又超过了他。

矮脚6每次都被高脚9轻而易举地超过，心里有些不舒服。高脚9每次越过矮脚6时回头看他的那个眼神，含有一种傲气和对矮脚6轻蔑的讥笑，这才是矮脚6心里不舒服的真正原因。

矮脚6暗暗下决心要杀杀高脚9的那股傲气。但是好难呀，高脚9的长腿走得快是铁定的事实，除非他生病了或腿脚生了一些疮疤之类的东西才走不快，可是，这样的机会好难遇到!矮脚6越想越苦恼。

苦恼了几天的矮脚6突然想到好办法，他早上起得特别早，比往常提早一个小时那样上学。

天刚蒙蒙亮的时候矮脚6就已经背着书包出发了。早起的老阿大在水塘边捡拾牛粪，目送着矮脚6出村的背影，仅残留三颗老牙丁的大嘴笑得咧开到耳朵根。他看到孙子那么勤快地上学，心里欢喜得很。

差不多全村的鸡都走到沙坡地那边觅食时，高脚9背着书包的身影出现了。他走到李子树下时习惯性地往半担水那村头看一眼，没见矮脚6，咧嘴笑笑。他再走到沙坡路时又看看半担水，还是没见到矮脚6，又咧嘴笑笑。往时他只要一出村子就能见到矮脚6走在桥头边或沙坡路上了。今天居然没见到，高脚9在高兴之余又有点纳闷。

高脚9走到学校，看到矮脚6已经坐在学校操场的乒乓球台上看书，惊愕得张大嘴巴。 （2）