Bonjbauq siusik (gicej Liengz Cingz) 2 nyied 14 hauh banhaet, ndwencieng hwnjban ngoenz daih’it, swcigih fucujsiz Vangz Siyungj youz Swcigih Yinzminz Cwngfuj fumisuh- cangj Vuz Gensinh daengj dox- buenx, bae daengz Swcigih Minzveij (Cunghgyaugiz)、 Minzyijveij ngonz- yawj camnai ganbu cizgungh sam aen bumwnz neix, caemhcaiq caeuq Swcigih Minzveij (Cunghgyaugiz)、 Minzyijveij gyoengq lingjdauj, veij gihgvanh gak cusiz caeuq cizsuz danhvei cujyau bouxfucwz naengh- damz doxgyau.

Youq gwnz hoihnaenghdamz, Vangz Siyungj daiqbiuj Swcigih Yinzminz Cwngfuj yiengq gyoengq ganbu cizgungh youq Minzveij (Cunghgyau)、 Minzyijveij guh hong haenx baiqnienz, hoh daihgya guh hong swnhleih, ciengmoq angqyangz. Vangz Siyungj cungfaen haengjdingh le gij hong Minzveij (Cunghgyaugiz)、 Minzyijveij bi’gvaq guh baenz haenx, haenh gij hong sam aen bumwnz bi’gvaq guh ndaej miz cauxmoq、 miz diemjrongh、 miz gungyen hungloet.

Vangz Siyungj naeuz, gij hong minzcuz、minzyij、cunghgyau dangq- naj miz seizndei、miz deuqnyex, daengzcog ronghsag. De muengh Swcigih Minzveij (Cunghgyaugiz)、Minzyijveij doiq gij hong ndaw bi moq aeu miz saenqsim、miz banhfap、laemxsim guh ndaej baenz. De muengh sam aen bumwnz aeu ra dawz vwndiz、yungh ndei cwngcwz、comz rengz bae guh, aeu guh ndei faenh hong bonjfaenh, gaij ndei gij yaez bonhfaenh, gyagiengz guh hong senhconz.

Vangz Siyungj lij bae cazyawj le Guengjsae Saujsu Minzcuz Gujciz Bangunghsiz caeuq ndangdaenj minz- cuz Swcigih Minzveij soucomz haenx, doiq hong baujhoh Guengjsae saujsu minzcuz gujciz caeuq vwnzva guh le youqgaenj ceijyinx.

Swcigih Minzveij、 Minzyijveij dangjcuj suhgi、 cujyin Luz Yenbenj daiqbiuj Swcigih Minzveij (Cungh- gyaugiz)、 Minzyijveij sam aen bumwnz yiengq Vangz Siyungj fucuj- siz guh le guhhong veibau.

Luz Yenbenj naeuz, gij hong sam aen bumwnz aeundaej mbangj cingzcik, hoeng lij miz mbangj vwndiz: It dwg siengjnaemj yisiz riengz mbouj hwnj hingzseiq hwngfat yaek yungh haenx; ngeih dwg cienzngaenz mbouj gaeuq yungh, gengoenh mbouj ak; sam dwg hong doicaenh diegguhyiengh minzcuz doxgiet guh ndaej lij caengz gaeuq ndei.