Bi 2015, Namzningz Si Minz- yijveij hopheux gij haenqguh muz- byauh cauxlaeb daengx guek minzcuz doxgiet cinbu sifan si, hong vah saw minzcuz aenndaej cingzcik gig ndei.

It dwg minzcuz vah saw cwng- cwz faplwd fapgvi senhconz heiq- faenh naekna. Giethab daengx guek minzcuz doxgiet cinbu sifan si cauxlaeb hozdung, leihyungh “ndwen senhconz minzcuz doxgiet” “sam nyied sam Bouxcuengh” hozdung、hoihfwen minzcuz doxgiet daengj, senhconz cwngcwz vah saw minzcuz dangj caeuq guekgya, dajcaux gij heiqfaenh ndei ndawbiengz， hawj gak minzcuz dox hag vah saw, coicaenh gak minzcuz vah saw caemhyouq huzndei, cangqheiq hwngfat.

Ngeih dwg gunghgung gyau- doeng lingjyiz yungh Sawcuengh aeundaej cingzcik moq, Namzningz Hojceh Camhdoeng、 Gyanghnanz Camhyinhhek、 Ginhgyauz Camh- yinhhek daengj gaenq cienzbouh youq ciubaiz laeuzhung camhcawj caeuq byauhbaiz gveihfan yungh Sawcuengh.

Sam dwg hong gvangjbo densi vah minzcuz aeu ndaej dwkboengq moq. Ndaw bi, Lungzanh、 Sanglinz song aen yienh gonqlaeng dauqfuk haicuengq sinhvwnz Vahcuengh densi cezmuz. Cuengqok neiyungz gvendaengz daengx yienh cwngci、 ginghci、 gyauyuz daengj, senhconz cwngcwz fuengcim dangj caeuq guekgya, fatyiengz dangdieg vwnzva Bouxcuengh, ndaej daengz dangdieg vunzlai haengjgyaez, caeuq ndaw- biengz gak hangz gak nieb haenh- ndei.

Seiq dwg Sawcuengh gveihfan sawjyungh diemjguhyiengh hwnjguh netsaed doicaenh. Cungdenj haeuj- coengh Sanglinz dungjcouz doicaenh hong “Sawcuengh haeuj gai”, yienhsingz 100 gaiq baizroenloh baizgai lawhmoq cauhguh yungh Cuengh Gun song cungj saw haenx, yienh’ok le gij minzcuz yenzsu “ranzcoj Bouxcuengh”. Linghvaih, haeujcoengh Lungzanh youq singz “naz” gai sanghyez seizhoengq (ngeih geiz) hwnjguh gai sifan gveihfan yungh Sawcuengh, cobouh laebdingh song henz gai 30 lai aen bouqdiemq ciubaiz、 cohdiemq daengj yungh Cuengh Gun song cungj saw sij.

(Veiz Yenzfuz/韦元福)