Riengx bak. Baujciz conghbak dumzmbaeq caeuq seuqcingh, yiengh- neix ndaej gig goekfeih najlinx, demgiengz feihbak goengnaengz, miz- yauq dwk bae fuengzceih conghbak caeuq diuzheuj baenzbingh, caemhcaiq ndaej bangcoh siuvaq.

Naenx dungx. Angjfwngz dep haeuj naengdungx bae, aeu saejndw guh cungsim, menhmenh swnh seizcim caeuq fanj seizcim naenx naengdungx gak 20 hop.

Menhbyaij. Gwn haeux sat menhbyaij, ndaej coicaenh dungxsaej noddoengh, bangcoh raemxsiuvaq dungxsaej iemqok caeuq siuvaq supsou gijgwn, danhseih mbouj ndaej byaij vaiq, hix mbouj ndaej guh yindung haenq. Wng youq gwn haeux sat 20 faen cung baedauq caiq bae menhbyaij, gaej gwn haeux sat doq sikhaek bae. Boux ndang yaez caeuq boux baenz dungx doekduiq gwn haeux sat mbouj hab bae menhbyaij, wnggai ninzbingz 10 faen cung. Boux sailwed sim uk miz bingh hix mbouj hab bae menhbyaij.

Dingq yinhyoz. Gwn haeux seiz dingq di yinhyoz ndeu, ndaej hawj vunz sek dungx caemhcaiq mizleih siuvaq. Gwn haeux sat dingq yinhyoz, ndaej hawj vunz simcingz vaiqvued、angq- yangz.