1 nyied 20 hauh banhaet, Yungzsuij Myaucuz Swciyen baenz aen baenz aen ci naengh rim hagseng menhmenh hai ok camhgiceh, yaek hai bae Danenz、 Liengzcai、 Ganhdung daengj yanghcin， yaek ancienz dwk soengq hagseng daengz ranz caeuq vunz ndawranz doxcomz.

Aen yienh neix yawjnaek hagseng ok rog ancienz vwndiz, aeu yanghcin lajmbanj hagseng “baedauq ranz hagdangz ancienz naenghci” gunghcwngz lied haeuj bi 2016 vih minz banh 10 gienh saedsaeh hanghmoeg ndawde gienh he, bued roengz 78.7 fanh maenz vih Minzcuz Cunghyoz、Baujvanz Cunghyoz、 Yungzsuij Cin Cunghyoz geij aen hagdangz neix hagseng youq hagdangz ninz haenx daezhawj naenghci bangbouj.

(Liengz Suihih/梁瑞晞 Mo Yujdingz/莫汝婷)