1 nyied 21, Ningzmingz Yen gungh’anhgiz cujciz aen cawjdaez dwg “vwnzva Byaraiz haeuj ginhyingz” camnai yienjok hozdung, vih gyoengq bouxbing capsouj henzguek biujyienj le minzcuz diuqfoux、 yienj minzcuz yozgi、 bing minz habciengq、eu fwen daengj vwnzyi cezmuz, baijyienj le huqbauj vwnzva Byaraiz Bouxcuengh, caeuq danqhaenh le gij cingzcauh bouxbing fouzsei gienok、 bauj ranz henz guek, youq seizdoeng vih gyoengq bouxbing soengq bae le gij camndei caeuq hohfuk ciengmoq.

(Couh Yizgangh/周贻刚 Vangz Fungcinh/黄凤珍)