1 nyied 19 hauh, Guekgya Minz- veij conhciz veijyenz Gvanj Beizcin daiq Guekgya Minzveij ndwencieng bangcoengh ranzgungzhoj veivwncuj gungh 7 boux bae daengz Dwzbauj Yen haiguh ndwencieng bangcoengh veivwn hozdung. Swcigih Minzveij dangjcuj suhgi、 cujyin Luz Yenbenj, Baksaek Si Yinzda Cangzveijvei fucujyin Yangz Mingzgangh buenx bae veivwn.

20 hauh banhaet, veivwncuj bae daengz Duh’anh Yangh Lingzleiz Cunh Mbanjlingzleiz、 Mbanjcejfaz caeuq Mbanjlungjcingz daengj 3 aen mbanj veivwn le 5 hoh gungzhoj nungzhoh, soengq cienzveivwn、 fan- damj、 haeuxsan caeuq youzgwn daengj doxgaiq hawj gyoengqde, caemhcaiq hohfuk gyoengqde ngoenzciet angq- yangz. Gvanj Beizcin lij bae daengz Cwngzgvanh Cin Yinzdih Cunh Mbanj- nazdunz miz Bouxcuengh daegsaek caiqlij dwg dieg Guekgya Minzveij dinghdiemj bangcoengh hwnjguh haenx guh gaujcaz, roxyiuj hanghmoeg hengz- guh cindu cingzgvang.

20 hauh gvaqringz, Dwzbauj Yen hai aen hoih veibau hong ginghci ndawbiengz hwngfat, Gvanj Beizcin dingq le aen yienh neix “cibngeih haj” geizgan daengx yienh ginghci ndawbiengz hwngfat cingzgvang caeuq “cibsam haj” ginghci ndawbiengz hwngfat gveihva cingzgvang veibau, caemhcaiq caeuq dangdieg dangjveij cwngfuj doxyaeng bi 2016 dingh- diemj bangcoengh hanghmoeg gveihva vwndiz.

(Nungz Yungjfang/农永放)