1、Cazloeg. Cazloeg ndaej fuengzceih gak cungj aizcwng, lumj dungx baenzaiz、saihoz baenzaiz、daep baenzaiz caeuq naengnoh baenzaiz daengj; linghvaih, aeu cazloeg daeuj riengx bak, mboujdanh ndaej fuengz non dwk heuj, lij ndaej yawhfuengz simdaeuz baenzbingh dem.

2、Byasamfaenz. Ndaw noh byasamfaenz hamz miz cihfangzsonh, cungj huq neix ndaej mizyauq dwk fuengzceih sailwed saekdimz, hix ndaej yawhfuengz aen’uk lauxvaq, lumj bouxlaux baenz binghngawz daengj; linghvaih, de lij ndaej gyangqdaemq danjgucunz dem.

3、Byaekbohcai. Ndaw byaekbohcai hamz miz daihliengh diet caeuq yezsonh, ndaej fuengzceih sailwed baenzbingh caeuq simdaeuz baenzbingh; byaekbohcai ndat noix, ndaej baujhoh siliz.

4、Vasaelamz. Ndaw vasaelamz hamz miz huzlauxbaeg doxgaiq caeuq veizdahming C gig lai; ndaej hawj vunz noix baenz gak cungj aizcwng, lumj aencij baenzaiz、saejgyoenj baenzaiz、aendungx baenzaiz daengj.

Bouxsai youq seizdoeng wnggai lai gwn seiq cungj gijgwn gwnzneix, aenvih geij cungj gijgwn neix ndaej bangbouj yingzyangj hawj ndang vunz, lij ndaej yawhfuengz gak cungj bingh dem.