De cam gvaq canghyw, canghyw naeuz, Vangz Fuzgauh ukgyaeuj cung lwed, danghnaeuz yw mbouj ndei yaek baenz bouxgyad bw. Mboujgvaq seizneix gij bingh de haemq ndei di lo, hoeng souh mboujndaej heiq hwnj heiq roengz.

Ai Lujci seizneix gagnyinh, Ai Vwnzswngh Daeglauh baenzneix guh couh deng lo, ceiq noix ndaej gaeu doengh laeuz Vangz Fuzgauh roengzdaeuj gonq, mboujguenj mehyah de miz mbouj miz dieg youq, hix mboujguenj de yiemq bouxwnq geijlai ngaenz, roengz fwngz gonq ceiq ak. De lij rox, gij caizcanj Vangz Fuzgauh cawzbae gyaqci luhuj le, lij miz dauq ranz Dahluj caeuq dauq ranz Dahli dem. Dangqnaj ceiq youqgaenj dwg ceiq noix aeundaej dauq ranz he caeuq gyaqci luhuj haenx. Mboujgvaq de hix rox, yienznaeuz swhgeij miz dauhleix, hoeng daj ndaw daeh bouxwnq mo yaekseiz gig mbouj yungzheih, yaek yungh seizgan nanz cij baenz.

De doiq fuengz le, youhcaiq daeuj daengz Manhahdun Siujgih 15 doengh 2 danhyenz 23 laeuz. Dahluj raen de youh dauqdaeuj, lij daiq buhdaenj dem, lumjbaenz rox de guhmaz daeuj lo, de dinghswd dwk heuh daeglwg cingq youq gwnz dieg guhcaemz haenx:“Daegdungh, heuh boh’au ndei.”

“Heuh bohlungz ba, gou beij boh de hung geij bi ne.”De liuq de baez he naeuz.

“Gou rox mwngz daeuj guh gijmaz. Daihgo, gou baenzlawz heuh mwngz ne?”De naj hoengzfwd naeuz.

“Heuh gou Ai Lujci ba.”Ai Lujci cigsoh naengh daengz gwnz sahfaz bae.

“Coh ndei dingq bw, mwngz itdingh gig miz dungxcaiz.”Dahluj naeuz.

“Mbouj ndei eiqsei, gou caenh doeg gvaq cunghconh, daj vuzswh yozyau bizyez. Mbouj lwnh gijneix lo, gou lijcaengz gwn haeuxcaeuz ne.”De nyinhnaeuz swhgeijj caeuq Dahluj lwnh ndaej gig ngamj, couh mboujcaiq ngutngut ngeujngeuj gangj gijwnq lo.

“O, baenzneix gou cawj haeux, mwngz cawj byaek ba. Vunz Yinznanz dou gwn ndaej maih, gou couh rox cawj gij byaek dwk lwgmanh haenx.”Dahluj naeuz.

“Youzcaih mwngz, mwngz cawj gijmaz gou couh gwn gijmaz.”

Dahluj bae dajcawj lo, Ai Lujci hainduj nyinhcaen dwk yawjngonz daeg lwgnyez youq gwnz dieg guhcaemz haenx, lumjbaenz youq gwnzde ra gij rizdin Vangz Fuzgauh nei. Gangj vahcaen, daeglwg mbouj mbauq gvaq Vangz Fuzgauh, daegbied dwg fajnaj caeuq aen ndaeng lwgda, cungj mbouj lumj daxboh de saek di. Caenhmiz song aen rwzbakgaeq gig lumj Vangz Fuzgauh, najbyak caeuq lajhangz lumj boh de. Diuzmingh daeg lwg neix haengjdingh haemzhoj, Vangz Fuzgauh yaek hajcib bi haenx yaek ciengx de baenzvunz, ceiq noix lij yungh cib geij bi. Daengz seizhaenx, de lij miz diuzmingh yiengj fuk lwi?

Yawj lwgnyez le, de gaendwk yawj aen ranz. Dauq fuengz neix dwg sam fuengz song ding, wnggai dwg Vangz Fuzgauh dajsuenq youq gizneix ciengxlaux. Densi、gunghdiuz ndaw ding cungj dwg huq guekrog, daengx ranz cungj cangcoih ndaej lengj raixcaix. Gijneix cungj dwg gij cienz swhgeij ha! Siengj daengz gizneix aen sim de in lumj ngaiz fagmid heh nei, ndaenq Vangz Fuzgauh dangqmaz.

Dahluj lau de bouxdog mbwq lai, lij mbouj lumz gvaqdaeuj bang de hai densi, caemhcaiq ndenq aen yauzgung hawj de, heuh de swhgeij gag genj daiz yawj. Raen Dahluj ndwn youq baihnaj, aek bongz caekhaex hung, baenzsau raixcaix, ndaw ndang de miz giz he lumjbaenz ngaiz dienh daenh dawz nei, de swhgeij hix gangj mbouj cingcuj, hoeng de gag rox, caenhmiz dahsau lumj Dahluj nei cijndaej fatok cungj dienh neix.

Lauheiq dwg gij yienghsiengq Ai Lujci hawj Dahluj yawj hwnjbae gig ancienz, gyoengqde mboujdanh doxcaez gwn caeuz, lij hai bingz laeujhoengz he dem, gyoengqde doq ndoet laeuj doq lwnh Vangz Fuzgauh, lij lwnh daengz gij gamjcingz Dahluj caeuq Vangz Fuzgauh, lwnh daengz Vangz Fuzgauh yiemq ngaenz Ai Lujci dem.

Dahluj ndoet ndaej laeuj caemhcaiq gig hailangh, de naeuz seizgonq de bang bouxwnq nyaenj ndang, ndaw sim de couhdwg siengj baezlaeng ndaej hai aen diemq he bang vunz daet byoem swiq gyaeuj, seizneix de gag hai diemq dang lauxbanj lo, yienznaeuz mbouj canh geijlai cienz de hix nyinhnaeuz gaeuq lo, vihneix de gig docih Vangz Fuzgauh. Ai Lujci roxyiuj, Dahluj daj bouxyaez bienqbaenz bouxndei gig mbouj yungzheih, de caenh maqmuengh ndaej youq ndaw singz miz aen ranz he, miz boux lwg he, miz bouxsai he ndiep de. Lwnh dwk lwnh dwk, raemxda Dahluj lae’byoegbyoeg.

Aenvih Vangz Fuzgauh baenz bingh raemxda Dahluj cij lae baenzneix, de rox cungj bingh neix danghnaeuz yw ndaej ndei, bouxvunz hix mboujndaej lumj gaxgonq lo, danghnaeuz yw mbouj ndei engqgya nanz gangj bw.

Raen daxmeh daej, Daegdungh cingq yawj densi haenx byaij gvaqdaeuj coemj haeuj ndawrungj daxmeh bae. Daxmeh got daeglwg maenhsaedsaed, youzcaih de youq ndaw rungj luenh cuenh luenh yoek, gvaq yaep he, Dahluj gingqyienz youq doiqnaj de biengj aen cij he okdaeuj, menhmenh coq haeuj ndaw bak Daegdungh bae.

Raen de geizheih raixcaix, Dahluj riu naeuz:“Youq mbiengj ranzlaux gou, lwgnyez doeg siujyoz le cij gek cij.”

De dingq le najmong dwk heuh oo song sing.

(16)

他在医院作了一个简单的咨询，值班医生说，黄福高得的是脑中风，搞不好会瘫痪，变成一个植物人。不过现在病情已经基本控制，但是受不了任何刺激。

艾鲁志现在觉得，艾文生阿捞他们采取的行动是对的，至少把黄福高一栋楼先扣下来了，管他老婆有没有住，也不管他欠了别人多少钱，先下手为强，这就是丛林法则。据他所知，黄福高明里的财产除了路虎车外，还有噜噜和莉莉两处房产。现在他要做的事，就是争取至少能够拿到其中的一套房产和那辆老路虎。不过他也晓得，即使是理在自己一边，但是要从别人的口袋里掏钥匙并不是一件容易的事，他已经做好打一场持久战的准备。

他退掉了房间，再一次来到曼哈顿小区15栋2单元23楼。当噜噜看见他再次登门，而且还带上行包时，似乎明白了他的来意，她平静地对坐在地上玩的小男孩说：“东东，叫叔叔好。”

“叫伯伯吧，我比他爸大好几岁呢。”他说着瞄了她一眼。

“我晓得你是来干什么的。大哥，我该怎么称呼你呢？”她红着脸说。

“叫我艾鲁志吧，艾是艾草的艾，臭臭那种的野草，端午节用来做糍粑那种，还可以治感冒的。”艾鲁志径直坐到沙发上。

“蛮好听的。你一定是很有文化吧？”她说。

“不好意思，我只念过中专，物资学校毕业的。不聊这个了，我还没吃晚饭呢。”他觉得自己和噜噜已经聊得很近了，便没有必要再拐弯抹角。

“噢，那我煮饭，你煮菜吧。我们云南人吃辣的，我只晓得做辣味菜。”她说。

“随便吧，你煮什么我就吃什么。”

噜噜进厨房忙活去了，他开始认真地端详坐在地上玩的孩子，试图从他的外貌上寻到黄福高的一些印迹。说实在话，孩子的长相并没有黄福高长得帅气，尤其是脸型和鼻子眼睛，都难见父亲的影子。只有那两只鸡嘴耳很像黄福高，此外额头下巴也和他老爸有一点神似。这肯定是一个苦命的孩子，已近五十的黄福高要把他养大成人，至少还得十多年时间。到那时候，他还有享福的命吗？

打量过孩子，他又接着打量屋子。这是一间三房两厅的套房，应该是黄福高打算养老的家。客厅里的电视、空调都是进口的，装修用的磁砖、木材和灯具品质都不错。这些都是他的钱啊！想到这他的心就像是被刀割一般疼痛，对黄福高就有一种说不出的憎恨。

噜噜怕他一个人无聊，还不忘过来帮他打开电视，并且把遥控器递给他，让他自己选择频道。当她背对着他打开电源，无意中把身体的曲线对向他时，一种久违的感觉忽然像一道电流，轻轻地在某个地方击打了一下，他晓得那是一种说不清楚的，只有从噜噜这样的年轻女性才能发出的电能。

也许是艾鲁志的样子让噜噜没有什么不安全感，他们不仅一起吃了晚饭，还开了一瓶红酒，他们边喝酒边说起黄福高，还说到了她和黄福高的感情，说到了他和黄福高的债务。

噜噜是一个酒量不错而且很率性的女子，她说她是按摩女出身的，理想就是开一个美容美发店，现在她的理想已经实现了，她自己当老板了，虽说挣钱不多不过还是很满足，为此她很感谢黄福高。他晓得，无论怎样噜噜也是一个严格意义上的风尘女子，如今能够改邪从良很不容易。她的满足点也不高，希望能够在城市落脚，有个孩子，有个爱她的男人。说着说着她就流泪了。

噜噜流泪的原因是黄福高的病，她大体能够了解一些这种病的知识，医得再好人也不会回到从前，医得不好就难说了。

看见妈妈哭鼻子，正在看电视的东东似乎有些不安，他走过来扑到她怀里。母亲则紧紧搂着孩子，任由孩子像小猪一样在怀里乱拱，不一会，她竟当着他的面摸出一只乳房，缓缓塞进东东的嘴里。

看见他表情惊愕，她赶忙自嘲地说：“我们老家那边，小孩可以到念小学了才戒奶。”

他听了尴尬得哦哦地叫了两声。

（十六）