Bonjbauq siusik (gicej Liengz Cingz) 1 nyied 12 hauh, aen hoih daengx gih hong minzcuz yijvwnz hidungj youq Namzningz hai. Swcigih Minzveij、 Minzyijveij cujyin Luz Yenbenj camgya haihoih caemhcaiq gangjvah, aen hoih neix yinvu youqgaenj dwg nyinhcaen gvancez Siz Ginbingz cungjsuhgi baenzdauq youqgaenj gangjvah cingsaenz caeuq cingsaenz aen hoih hong minzcuz Cunghyangh、 Swcigih, cungjgez “cibngeih haj” caeuq bi 2015 Guengjsae hong minzcuz vah saw, yenzgiu anbaiz “cibsam haj” caeuq bi 2016 hong minzcuz vah saw.

Aen hoih giengzdiuh, aeu cietsaed guh ndei gak hangh hong. Laebdin gih raeuz cingzgvang, roxyiuj seizseiq, cietsaed gyagiengz guh ndei hong minzcuz vah saw youq seizseiq moq, roxnyinh gaenjgip caeuq cwzyin naek. Dauqyawj doenghbaez, haengj- dingh cingzcik, laebhwnj saenqsim caeuq gietsim guh ndei seizgeiz moq hong minzcuz vah saw. Roxdingh lohnaemj、 doed ok cungdenj, roengzrengz doidoengh seizgeiz moq hong minzcuz vah saw aeundaej cingzcik moq. Gyagiengz lingjdauj, doxgiet dox- gap guh, guhbaenz seizgeiz moq hong minzcuz vah saw hablig giengzak.