Mboengqneix, daengx guek aen fwendanq daih’it aeu Baksaek Gijyi guh cawjdaez gaijbien cauxbaenz haenx 《Fwendanq Baksaek Gijyi》,youz Baksaek Yozyen comz vunz guhsat. Baksaek Yozyen dwg daengx guek 11 aen “gwzming ginghdenj yisuz gyauyuz sifan gihdi” hwnjguh hanghmoeg ndawde aen he, lauxsae aen hagdangz neix aeu 《Coj You- gyangh Dieggoek Gwzming Fwen Damzraih Gwzming》 guh sucaiz goswz, aeu Baksaek deihfueng yaemgo minzcuz guh sucaiz yaem- wenq, cienmonz iucingj Gvangjsih Yisuz Yozyen bouxsijbuj lauxhangz daeuj sij 《Fwendanq Baksaek Gijyi》.

《Fwendanq Baksaek Gijyi》 minzcuzsing、 gwzmingsing daegsaek yienhda, faen baenz “geqsoq laep- yamq ndawbiengz” “senhconz gwz- ming cujcangh” “daenhmbwn vuj- cangh gijyi” caeuq “cienzboq cehfaen gwzming” seiq aen yozcangh, yisuz dwk yienh’ok le Baksaek Gijyi gwzming ginglig, haenhdanq le cingsaenz doucwngh bouxbing bek- singq Yougyangh dieggoek gwzming baenzbaenz cungj mbouj lau haenx.

(Cinz Yicungh/陈毅忠)