Miz song boux vunz doxduenq daengz gwnz bya bae ra gij rin ndeiyawj，boux ndeu cang rin rim aenlaep，boux ndeu ndaw laep cij miz ndaek rin he de nyinhnaeuz ceiq ndeiyawj. Boux cang rin rim aenlaep couh riu boux aeu ndaek rin he neix:“Mwngz vih gijmaz cij genj ndaek rin he?” Boux aeu ndaek rin dog neix dap:“ Ndaek rin ndeiyawj baenzfanh, gou genj aeu ndaek rin he gou nyinhnaeuz ceiq ndeiyawj couh baenz lo.” Boux cang rin rim aenlaep dingq liux mbouj gangj gijmaz cij riu, laebdaeb aemq rin rim aenlaep roengz bya. Bouxlawz rox, de youq gwnz roen roengz bya seiz, gamjdaengz yied daeuj yied naek, doeklaeng mbouj miz banhfap lo, cijndaej itcig daj ndaw laep vut ndaek rin de nyinhnaeuz ceiq yakyawj okbae, daengz dinbya, ndaw laep de hix cij lw ndaek rin ndeu lo!