就在这时，只听到一阵滚雷似的声音从墙角响起，一道黑色的闪电划过地面，穿过壮汉的裤裆，射击屋里。紧接着是一阵剧烈的撕咬，藏獒低沉的怒吼压住了狼狗的声声惨叫。顿时，女主人的哭喊声和藏獒狼狗的吼叫声混成一片，两个壮汉不得不转身进屋，一边保护女主人，一边试图赶走藏獒。而此时藏獒正杀得性起，把狼狗压趴在身下，大嘴紧紧咬住了狼狗的咽脖。

阿捞他们见状，赶紧一阵欢呼争相挤进楼里。

艾鲁志觉得，如果任由艾文生和阿捞他们乱搞，后果将不堪设想。于是他先打电话给艾文生，斥责他不该背着他组织追债，怎么说债是他自己的债，他有他的主意，他有他的办法，他不要别人插手。艾文生在电话那头只是说好，还不时嗯嗯啊啊的，听起来好像他都同意都接受了，但实际上只是敷衍而已。艾鲁志晓得艾文生的这种习惯，但现在远隔千里，他没有办法让他停手。放下电话，他又拨通了阿捞的手机。阿捞心疼手机耗电，便叫他打另一个号码，他一看就认出是黄福高家的电话。看来，阿捞他们已经完全控制黄福高的大楼了。

艾鲁志虽说对阿捞的口气没有像对艾文生那么严厉，不过还是把阿捞埋怨了一通。阿捞告诉他，白天信用社和农行的人都来了，都准备向法院申请封黄福高的楼，只不过他们先住进来了，那些人才不敢上锁。艾鲁志最后无奈地说：“好吧，只要不搞出人命，你爱干么干么，不关我鸟事。”

打完两个电话，艾鲁志立马瘫倒在床上，脑子里猛想，明天怎么样才可以找得到黄福高，找到黄福高了该怎么办？想着想着就迷糊睡着了。

早晨时分，城市刚从睡梦中苏醒过来，艾鲁志就匆匆起床，在街边吃了一份阳光早餐，拦了一辆的士，往曼哈顿小区赶。

曼哈顿小区坐落在青山脚下，被认为是省城最复杂的小区，业主来自五湖四海，说话南腔北调。漫步在小区里，偶尔还会遇上三两个黑肤白皮的老外。黄福高选择在这里买房，原因很简单，就是附近有一所好小学，将来他的孩子可以就近读书。另外，这里还靠近邕江，随时可以下河游泳。

艾鲁志很快就找到了黄福高的路虎，一时令他有些呼吸急促，兴奋又有些紧张，至少他这个猎人已经寻到猎物的踪迹了，很快他就有可能抓得住猎物。这台老款发现者他还是比较熟悉的，有好几次黄福高喝醉了，他就开这台车送他回家或是莉莉那里。黄福高还大言不惭地告诉他，有好几次猴急了，还和阿燕或莉莉在车上搞震震，那种感觉真的奇妙无比。艾鲁志没有这种体验，他觉得在车上乱搞会带来晦气，车子是很神圣的工具，一旦沾染上污秽之物，坐在车里开着车辆心里就不踏实了。他不敢尝试这种体验还另有原因，他的功能已经不允许他搞野战了。就是每次和农彩秀偶尔恩爱一次，也是事先做足了功课，才勉强胡弄过去。他这把年纪理论上已经可以当爷爷了，不服不行。

他的出现引起了保安的注意。他刚在车子旁边转了一圈，一个手持无线对讲机的老保安就出现在他身旁，盘问道：“哎，哎，你干什么的呀？”

他赶忙推出一副笑脸，点头说：“我来找一个朋友，这部车是他的。”

“那你打电话给他不行吗？咹！”老保安眨巴着双眼，显然不相信他。

“是这样，打电话他老是不接。”艾鲁志无奈地说，“他欠我的钱，怕见我了。”

“噢，我懂了，你是想打他这部车的主意，是吧？”老保安似乎窥探到了他的心思，忽然变得兴趣盎然。

“也不是，我是想找到他本人，跟他好好聊聊。”艾鲁志说。

“唉呀，有什么好聊啊。这种鸟事，找法院得了。”老保安说。“现在的老板没几个讲信用的，不搞坑蒙拐骗，他们哪里有钱买房子，买豪车，养女人哩。”

（十四）

Couh youq seizneix, caenh dingqnyi raq sing he lumj byajraez nei daj gakciengz bongh okbae, ndonj gvaq dangzvaq bouxsai, nyingz haeuj ndaw ranz. Gaendwk dwg song duzma doxdik doxhaeb, macang’auz rongx dwk nyaenj duz ma’ngauz youq baihlaj haeb de in dwk hemqnganga. Seizneix, singdaej mehcawjranz caeuq sing ma raeuq luenhcabcab, song ndaek bouxsai mbouj ndaej mbouj cienq ndang haeuj ndaw ranz bae, doq henhoh mehcawjranz, doq siengj gyaep duz macang’auz okbae. Hoeng seizneix duz macang’auz cingq haeb dwk yungz raixcaix, de bamz youq gwnz ndang duz ma’ngauz, bak hung maedsaed dwk haeb conghhoz ma’ngauz.

Daeglauh gyoengqde raen baenzneix, ganjgip angqyangz dwk roemx haeuj ndaw laeuz bae.

Ai Lujci gagnyinh, danghnaeuz cwxcaih youz Ai Vwnzswngh caeuq Daeglauh gyoengqde luenh guh, yaek ok saeh hung bw. Baenzneix de sien dajdienh hawj Ai Vwnzswngh, ndaq de mbouj wnggai laeglemx bang de bae gyaep caiq, bouxwnq yiemq ngaenz swhgeij, swhgeij miz banhfap bae gyaep dauqma, mboujcaeq bouxwnq capfwngz. Youq mbiengj dienhvah baihhaenx Ai Vwnzswngh caenh dwg naeuz ndei, lij seiz mbouj seiz wzwz azaz, dingq hwnjdaeuj de cungj doengzeiq cungj ciepsouh lo, hoeng saedcaeq de cix dwg lujlaj gvaqbae hane. Ai Lujci rox Ai Vwnzswngh miz gij sibgvenq neix, hoeng song boux doxliz baenz cien leix, de mboujmiz banhfap hawj de dingz fwngz. Cuengq dienhvah le, de youh daj aen soujgih Daeglauh. Daeglauh sim’in souhgih sai dienh, couh heuh de daj aen dienhvah wnq, de baez yawj couh rox dwg aen dienhvah ranz Vangz Fuzgauh. Yawj hwnjdaeuj, Daeglauh gyoengqde gaenq haeuj ndaw laeuz Vangz Fuzgauh bae youq lo.

Ai Lujci mboujlumj gvaiq Ai Vwnzswngh nei gvaiq Daeglauh, mboujgvaq hix gvaiq de yaep he. Daeglauh naeuz hawj de, banngoenz gij vunz sin- yungse caeuq nungzhangz cungj daeuj lo, cungj cunjbei sinhcingj fazyen fung aen laeuz Vangz Fuzgauh, mboujgvaq raen gyoengqraeuz youq haeujdaeuj gonq, gij vunz haenx cij mbouj gamj suj ranz. Ai Lujci doeklaeng doeknaiq dwk naeuz:“Ndei ba, gaej moeb vunz gaj vunz couh baenz, sou maij guhmaz couh guhmaz, gven gou maz viz.”

Daj song aen dienhvah le, Ai Lujci sikhaek bamz daengz gwnz mbonq, ndaw ukgyaeuj de caenhdwg siengj, ngoenzcog baenzlawz cij ndaej ra raen Vangz Fuzgauh, raen Vangz Fuzgauh le baenzlawz guh? Naemj dwk naemj dwk de couh ninz ndaek lo.

Banhaet, aen singz ngamq daj ndaw fangz- hwnzloq ndiu gvaqdaeuj, Ai Lujci couh ganjgip hwnq lo, youq henz gai gwn faenh haeuxcaeux he le, lanz gyaq cico he, ganj bae Manhahdun Siujgih.

Manhahdun Siujgih youq lajdin Byacinghsanh, gyoengqvunz cungj nyinhnaeuz aen siujgih neix daengx singz ceiq fukcab, ranzcawj daj seiqlengq daeuj, gangj cungj vah lawz cungj miz. Byaij haeuj ndaw siujgih, saekseiz lij bungz daengz song sam boux vunz guek rog naeng ndaem naeng bieg haenx. Vangz Fuzgauh genj youq gizneix cawx ranz, yenzyinh gig genjdanh, couhdwg henznden miz aen siujyoz ndei he, baezlaeng lwgnyez de bae hag gaenh. Linghvaih, gizneix lij dep Dahyunghgyangh, seizlawz roengz dah bae ap raemx cungj ndaej.

Ai Lujci gig vaiq couh ra raen gyaqci luhuj Vangz Fuzgauh lo, de diem heiq cungj mbouj baenz liux, youh simyungz youh gaenjcieng, bouxdwknyaen ra raen riz duznyaen, gig vaiq couh ndaej gaemhdawz duznyaen lo. Gyaq ci neix de gig sug, miz geij baez Vangz Fuzgauh ndoet laeuj fiz le, de couh hai gyaq ci neix soengq de dauqranz roxnaeuz soengq bae giz Dahli haenx. Vangz Fuzgauh miz baez he lij ndaenggon dwk naeuz hawj de, miz geij baez de lij caeuq Dahyen roxnaeuz Dahli youq ndaw ci doxguh, vuenyungz raixcaix. Ai Lujci mbouj yienghneix guh gvaq, de nyinhnaeuz youq gwnz ci luenh guh uqlah lai, gyaqci baenzneix ndei, bungz daengz gij uqlah neix le, naengh youq ndaw ci aen sim cungj mbouj onjdangq. De mbouj gamj youh baihrog luenh guh lij miz cungj yienzaen wnq, couh dwg aen ndangdaej de gaenq mbouj cinj de baenzneix guh lo. Moix baez caeuq mehyah doxguh, de yaek ciengx ndang haujlai nanz cij baenz. Aen nienzgeij de dang daxgoeng hix baenz lo, mbouj fug mbouj ndaej law.

Boux baujanh geq he raen de youq henz ci cienq bae cienq dauq, couh ganj gvaqdaeuj buenzcam de:“Ai,ai, mwngz guhmaz la?”

De ganjgip riuhehe, ngaek gyaeuj naeuz:“Gou daeuj ra boux baengzyoux he, bouh ci neix dwg bouh de.”

“Mwngz dajdienh hawj de mbouj ndaej ha? Daj!” Baujanh geq yaebyaeb da, mbouj saenq de.

“Dwg yienghneix, dajdienh de cungj mbouj ciep.”Ai Lujci doeklnaiq naeuz,“de yiemq ngaenz gou, lau raen gou.”

“O, gou rox lo, mwngz dwg siengj heuh de gai ci boiz ngaenz ba?”Baujanh geq lumjbaenz rox de siengj gijmaz nei, sawqmwh siengj caeuq de lwnhgoj.

“Hix mbouj dwg, gou dwg siengj ra raen de, caeuq de doxyaeng baenzlawz boiz ngaenz.” Ai Lujci naeuz.

“Aiya, doxyaeng miz maz yungh. Bungz daengz gij saeh neix, ra fazyen gauq de cij baenz.”Baujanh geq naeuz.“Lauxbanj seizneix mbouj miz geijlai boux gangj vah suenq soq，mbouj haih vunz yaeuh vunz, gyoengqde baelawz miz ngaenz cawx ranz cawx ci ciengx yahnoix ne.” (14)