Mboengqneix, Swcigih Minzveij、 Minzyijveij ok cienz 14 fanh maenz bang lanzmoeg Vahcuengh gvangjbo densidaiz Denhlinz Yen, ndawde Swcigih Minzveij ok 10 fanh maenz、 Swcigih Minzyijveij ok 4 fanh maenz, bangcoengh boiqdap lanzmoeg doxgaiq yungh, daezsang cuengqok gisuz caeuq cizlieng. Seizneix, cienz bangcoengh cienzbouh bued roengz daengz aen lanzmoeg neix cawx doxgaiq yungh.

Gvangjbo densidaiz Denzlinz Yen seizneix haicuengq Vahcuengh densi cezmuz miz:《Sinhvwnz Vahcuengh Denzlinz》 《Diendeih Heiqcuengh》《Fwen Moq Vahcuengh》 sam aen lanzmoeg, lanzmoeg youq 2014 nienz 7 nyied haicuengq, ndaej daengz dangdieg vunzlai haengjgyaez.

Daengz bi’gvaq 11 nyied daej, aen lanzmoeg neix gungh loegguh 《Sinh- vwnz Vahcuengh Denzlinz》 137 geiz, loegcaux cuengqok Heiqcuengh 100 lai bouh. Doiq senhconz lohsienq、 fuengcim caeuq cwngcwz dangj, swnjcienz caeuq fatyiengz dangdieg vwnzva minzcuz maenhndei, fungfouq vunzlai vwnzva saedceij, miz gaenxmaenx doidoengh cozyung.

(Banh Sauginh/潘少君)