Bonjbauq siusik (gicej Suh Gyahgvai) 12 nyied 27 hauh banhaet, mbwn’gvengq ndit ndei. Youq Dunghlanz Yen Sanhsiz Cin Nazhoz Cunh Cinz Yinggih Gvangjcangz, baenz fanh gak gyaiq ganbu vunzlai doxcaenx doxcaeh haeujbae ndaetfwd, yungh codanz caeuq yienjheiq daengj hingzsik, daeuj hoenghhwd geiq- niemh Cinz Yinggih doekseng 100 hopbi.

Cinz Yinggih bi 1915 doek- seng youq Dunghlanz Yen Mbanj- nazhoz aen ranz bouxguhnaz gungzhoj ndeu, 14 bi couh okbae camgya gwzming lo, gonqlaeng camgya gvaq Baksaek Gijyi、Dujdi Gwzming、Hungzginh Cangzcwngh、Dingjhoenx Yizbwnj、Gaijfang Cancwngh. Laebbaenz Cungguek moq le, de nyaemh Gvangjsih Swngj Gungh’anhdingh dingh- cangj、fuswngjcangj、Guengjsae Bouxcuengh Swcigih fucujsiz、cujsiz、cwnghez cujsiz、swcigih dangjveij suhgi, de dwg daih’it daengz daihroek gaiq daengx guek yinzminz daibyauj davei daibyauj, Cungguek Gungcanjdangj daihbet、cib’it、 cibngeih、 cibseiq baez daengx guek yinzminz daibyauj daihhoih daibyauj, Cunghgung daihcib’it、cibngeih gaiq cungh- yangh veijyenz, Cunghgung cibsam daih ndaej senj guh Cunghyangh Guvwn Veijyenzvei veijyenz. De dajguenj Guengjsae baenz 40 bi, dang gvaq haujlai bumwnz bouxdaeuz. De hwnj- nyaemh geizgan, song fwngz seuqsak, laemxsim vih vunzlai bae guhsaeh, vih Guengjsae raeuz guh ok gungyen hungloet, deng haenh guh yienhdaih “goengvuengz Bouxcuengh”.

Swcigih cwnghez fucujsiz Lai Dwzyungz hix camgya hozdung caemhcaiq haenh Cinz Yinggih dwg ciuhvunz ronghlwenq ndeu.

Hozdung geizgan, gyoengq vunz daeuj camgya hozdung haenx lij camgya aen yizsi Nazhoz Hungzswz Vwnzvayenz haidou, ngonzyawj Nazhoz Gwzming Cwnzlezgvanj caeuq ranzcoj Cinz Yinggih daengj. Swcigih dangjveij senhconzbu、gih cwnghez bangunghdingh、gih dangjveij dangjsij yenzgiusiz、gih gungh- anhdingh、Gvangjsih Dayoz daengj bouxdaeuz nem Cinz Yinggih caencik、gwzming lezsw、cieng- ginh caencik daibyauj、bouxdaeuz geq、bouxgeq daibyauj caeuq gak gyaiq ganbu vunzlai daibyauj doengzcaez camgya geiqniemh hozdung.