Mbwn cungj laep liux, geij fanh aen daeng ciuq daengx aen singz ronghsagsag. Ndoet laeuj le aen gyaeuj ngunhngadngad, de nyinhnaeuz wnggai dauq binhgvanj bae ninz gonq, ngoenzcog caiq bae ra Vangz Fuzgauh hix baenz. De yaengx fwngz heuh gyaq cico he, ndonj haeujbae. Siengj mbouj daengz, Dangz Veigwz mbouj rox daj gyawz hix riengz de haeuj ndaw ci daeuj.

“Laujai mwngz swnh loh soengq gou dauq ranz ba. Saefouh, bae Minzcuj Lu diegranz Vwnzva Dayen gonq.” Dangz Veigwz naeuz.

Ai Lujci gvaq baenz diemj lai cungj cij dauq daengz Oujgyahvanh Binhgvanj, naeuz dwg swnh loh, gizsaed heux baenz buenq aen singz cij soengq Dangz Veigwz daengz ranz. Lauheiq dwg gij ngaenz Dangz Veigwz cungj doj saw liux, mbouj miz ngaenz co ci cij baenzneix guh. Yienghneix siengj le, de hix simsoeng lai lo. De lij naemj, wnggai dajdienh hawj mehyah, naeuz hawj de swhgeij cingq youq gyawz. Yienznaeuz gij gvanhaeh song gvanbaz seiz ndei seiz vaih, hoeng hix wngdang seiz mbouj seiz hawj de daj baez dienhvah he. De ngamq haeuj dou couh yungh aen dienhvah ndaw fuengz dajdienh hawj Nungz Caijsiu, siengj mbouj daengz baez doeng dienh couh gangj baenz buenq diemj lai cung.

Nungz Caijsiu sien ndaq de geij faencung, gaendwk lwnh de naeuz, Daeglauh caeuq Liuz Fudai gaenq ciemqlingx aen laeuziq Vangz Fuzgauh, haeuj ndaw laeuz bae youq lo. Gij saeh neix cungj dwg Ai Vwnzswngh ok geiqmaeuz hawj songde bae guh. Mehyah maqmuengh de vaiqdi dauqbae cawqleix, mboujne ok saeh couh mbouj baenz lo.

Ai Lujci siengj mbouj daengz, Ai Vwnzswngh caeuq Daeglauh gyoengqde doxgap daeuj bang swhgeij gyaep caiq. Song ndaek neix baenzlawz doxgap ndaej? Youq ndaw ukgyaeuj de, Ai Vwnzswngh soqlaiz yawj Daeglauh mbouj hwnj da, aenvih Daeglauh ngoenznaengz cungj dwg youq gwnz haw caeuq bang hauxseng he guhcaemz ndwi, mbouj guh gijmaz hongsaeh ndei gvaq. Ai Vwnzswngh gag ndaenggon swhgeij bang boux- daeuz hai ci, gwn youq cungj youq ndaw gihgvanh, beij Daeglauh miz mingzdaeuz lai. Gaxgonq song boux caemh aen daiz gwncaeuz hix mbouj nit mbouj ndat, miz saekseiz lij daxndaq dem. Hoeng, seizneix vihle bang Ai Lujci gyaep caiq, songde cix baenz baengzyoux lo. Songde doxgap ndaej baenz ndei, lienz mehyah Vangz Fuzgauh cungj dingj mbouj ndaej.

Ai Lujci ok dou sam ngoenz le, ngoenznaengz banhaet bet diemjcung, Daeglauh gyoengqde cingj song boux canghfwen haenx cungj ciuqseiz youq bakloh Byahojliengh dap daiz eu fwen diemj cung he, gij fwen haenx cungj dwg ndaq Vangz Fuzgauh dwg duzmabag, dwg bouxyaeuh, yiemq cienz bouxwnq baenzlai cungj mbouj boiz, haujlai vunz maij humx gvaqdaeuj dingq fwen. Youq baihnaj laeuziq Vangz Fuzgauh, Daeglauh gyoengqde ngoenz nduj couh naemjgeiq baenzlawz cij ndaej cung haeuj ndaw ranzlaeuz bae lo.

Ngoenz haenx banringzgvaq, Daeglauh caeuq Liuz Fudai bang vunz neix youq ndaw hongh ranz Vangz Fuzgauh nda daiz baij daengq, doq gwn nohgangq caeuq laeujbizciuj, doq caj vunzranz Vangz Fuzgauh dauqma. Hoeng, daj banngoenz caj daengz banhaemh, vunzranz de ngaeuz cungj mbouj raen, dauq dwg 110 gvaqdaeuj lo. Miz vunz bauqgingj, geij boux gingjcaz hauxseng gvaqdaeuj yawjyawj miz maz saeh. Gingjcaz raen dwg Daeglauh gyoengqde, hix mbouj roemxhaeuj ndaw laeuz, caemhcaiq dwg gyaep caiq dem, caeuq gyoengqde doxyaeng geij coenz le couh dauqbae lo.

Danghnaeuz ndaw laeuz mbouj miz duz ma- ngauz haenx, mehyah Vangz Fuzgauh haengjdingh mbouj mauhyiemj dauqma. Banhaemh cib diemj lai, mehranzcawj ndoj youq ranznden mbouj haengj oknaj haenx, dingj mbouj ndaej duzma youh swenj youh raeuq, gietdingh haeuj ranz bae gueng de. De sien hawj Vangz Fuzgauh dajdienh, cam de baenzlawz guh cij ndei, gaendwk de heuh boux lizswh he caeuq song boux beixnuengx vunz ndang cangqmaenh gvaqdaeuj, geij boux cungj gaem aen dienhdoengz ronghragrag he.

Daeglauh caeuq Liuz Fuzdai gyoengqde ndoet baenz buenq ngoenz laeuj, baez raen vunz ranzcawj dauqdaeuj, angqyangz dwk cungj mbouj guhsing.

Yienznaeuz miz di laeujfiz, hoeng gyoengqde lij ndaej geiq dawz duz macang’auz yo daengz gok ciengz, geij boux vunz dep youq baihlaeng ranzcawj, siengj swnhgei cung haeuj ndaw ranz bae. Liuh mbouj daengz, song beixnuengx mehyah Vangz Fuzgauh baez cienq ndang capmax, lumj goenqfaex nei saek youq song mbiengj dou, swnh fwngz baez cengj, Liuz Fudai caeuq boux doengzdoih byaij youq doiqnaj haenx couh yaek laemx roengz gwnz dieg. Liuz Fudai vax aen bingzlaeujbizciuj he hwnjdaeuj, yaek coemj hwnjbae, cix ngaiz Daeglauh got dawz lo.

Duz ma’ngauz ndaw ranz dingqnyi meh ranzcawj dauqma, youh raeuqvaengvaeng. Doudiet baez hai, duzma swenj lumj boux lwgnyez daej nei coemj haeuj ndaw rungj bouxcawj bae.

(13)

天色完全黑了下来，省城的数万盏灯光把城市照得一片通明。酒后头部有些微醺，他觉得应该回宾馆去好好睡一觉，天还是会亮的，找黄福高的事情到明天再说。这么想着，他招手要了辆的士，钻了进去。他不曾想到，唐卫革不晓得从哪里也跟在他了进来。

“老艾你顺便送我一趟吧。师傅，先到民主路文化大院宿舍。”唐卫革说。

艾鲁志回到偶家湾宾馆已是一个小时之后，说是顺路，其实绕了半座城市才把唐卫革送到地方。也许是唐卫革真的赌光了钱，没有的费了才这么做的。这么想了，艾鲁志的心胸就宽敞了不少。他还想，应该给老婆打个电话，告知行踪。虽说两口子关系不好不坏，但偶尔打个电话也是应该的。他刚进入房间就用座机给农彩秀打了个电话，没想到这一打，竟然打了差不多半个小时。

农彩秀先是花了好几分钟把他臭骂了一顿。然后告诉他，阿捞和刘富泰他们已经占领了黄福高家的小楼，住到人家楼里去了。这一切都是他的侄子艾文生在背后指使的。她希望他快点回去，收拾一下残局，弄不好会出大事的。

艾鲁志万万没想到，艾文生和阿捞他们会跳出来帮他追债。这两个家伙怎么会搞到一起了呢？在他的印象里，艾文生是不怎么把阿捞放在眼里的。原因很简单，阿捞是个十足的街上仔，整天和一帮街仔街女混在一起，没干过多少正经事。艾文生自恃是领导的司机，生活在机关大院里，档次自然也是高上阿捞几层。以往两个人就是坐到一起吃喝也是不冷不热的，偶尔还互相抬杠，发生口角。然而，有道是只有永远的利益，没有永恒的朋友。为了艾鲁志的那笔大额债务，他们坐到一条船上来了。而且两个人之间的合作，默契得让黄福高老婆一家根本无法抵挡。

艾鲁志走后的三天，每天早上八点钟，阿捞他们雇请的山歌手都准时亮相，在火亮山路口搭台对歌，内容都是数落黄福高的，把他说成了一条欠钱不还的赖皮狗，是一个无情无义，缺德损人的大骗子。两位歌手的歌声如泣如诉，煽情动人。对歌时间持续一个小时，引起了众人的围观。而在黄福高的小楼前，第一天便上演了攻防战。

那天下午，阿捞和刘富泰一帮人在黄福高家的院子里安营扎寨，一边享用烧烤和啤酒，一边等待黄福高家人露面。然而，从白天等到天黑，小楼的主人一个未见，却等来了110。几个年轻警察显然是接到了报警，才过来看个究竟的。警察看见还是阿捞他们，并没有暴力强行入屋，而且又是行追债之举，便都没再多说，转身收队报告上级去了。

若是楼里边没有那条狼狗，黄福高老婆是不会冒险回来的。晚上大约十点钟多一点，藏匿在邻居家的不肯露面的女主人，终于忍受不了大狼狗的阵阵狂吠，在爱犬揪心的呜咽中，还是决定回家来给它喂食。不过她也是有所准备的，她先是和黄福高通了电话，向他哭诉了一通。经黄福高授意，她叫来了一名律师和两个牛高马大的亲戚，几个人的手里都一律提着一支明晃晃的大功率手电筒。

喝了半天啤酒的阿捞和刘富泰他们，好不容易看见主人终于现身，都兴奋得一时鸦雀无声。

尽管喝得有点高，但还是按照事先的布置，他们先把藏獒埋伏在墙角处，几个人则紧跟在主人后边，试图伺机冲进屋里。殊不料，两个大汉一个急转身，站起马步，木墩一般卡在门的两侧，顺手一推，便把走在前头的刘富泰和一个街仔搡了个趄趔。刘富泰一手抄起一个啤酒瓶，欲扑上去，却被阿捞抱住了。

屋里的狼狗听到了女主人的动静，又一阵汪汪地狂吠起来。随着铁门咿呀一声打开，狼狗的叫声变成了令人心酸的呜咽声，嗷嗷地扑进主人的怀抱。

（十三）