12 nyied 18 hauh, Denhdwngj Yen aen daih’it gihdi hwngfat vwnzyi yingjsi Vahcuengh youq Denhdwngj Yen Vwnzva’gvanj laebbaenz, neix hauh’ok Denhdwngj Yen vwnzyi yingjsi yamq haeuj duenh roen moq, vih Denhdwngj Yen hong minzcuz caiq gya diemjrongh.

Bineix daeuj, aen yienh neix yawjnaek hong vwnzyi yingjsi Vah- cuengh, cauxmoq lohnaemj, gya- gvangq monzloh, damqra yienghsik moq. Denhdwngj Yen Minzcuzgiz ginggvaq lai baez caeuq Yen Vwnzva- gvanj doxyaeng doengzeiq, youz Yen Vwnzvagiz daezhawj ciengzdieg, Minzcuzgiz fucwz cawx sezbei. Vih guh ndei gihdi cauxlaeb, Swcigih Minzyijveij anbaiz cienz cienhangh 3 fanh maenz guh baujcang, gihdi cauxlaeb le hawj Yen Vwnzvagiz fucwz ngoenznaengz hongsaeh vwnzyi yingjsi Vahcuengh hagsib doxgyau、 beizyin gyauqlienh daengj, doiq swnjcienz minzcuz vwnzva, doedok minzcuz vah saw vwnzva goengnaengz, gya’gvangq vah saw minzcuz ndaw- biengz sawjyungh miz cozyung youq- gaenj.

(Vangz Souciz/黄寿积)